Fréttir

10 okt 2008

Reglur um dreifnámið

Nemendum er bent á að kynna sér vel eftirfarandi reglur um dreifnám:
Greiða skal innritunar- og kennslugjald við upphaf annar.
Dreifnám í MÍ er lotunám. Gert er ráð fyrir að a.m.k. 6 lotum á hverri önn. Samkvæmt 6 lotu skipulagi er lagt inn efni annan hvern þriðjudag.

 

Meira

9 okt 2008

Kappróður á Pollinum

Hinn árlegi kappróður Menntaskólans á Ísafirði fór fram 9. október og er þetta í áttunda sinn sem keppnin er haldin. Fimm lið tóku þátt í keppninni að þessu sinni en veðrið var ekki eins hagstætt og í fyrri róðrarkeppnum. Að þessu sinni tókst kennurum að fara með sigur af hólmi í karlaflokki en hinar óreyndu "Ungmeyjar" komu öllum á óvart og sigruðu "Stellurnar" í hörkuspennandi keppni. Fleiri myndir úr kappróðrinum eru á myndasíðunni.
9 okt 2008

Vélstjórnarnemar á Sjávarútvegssýningunnni

Nemendur á 3. stigi vélstjórnar fóru á dögunum í námsferð suður á land ásamt Guðmundi Þór Kristjánssyni kennara sínum. Þeir skoðuðu Íslensku sjávarútvegssýninguna og fóru í skoðunarferð í Hellisheiðarvirkjun. Nemendur voru afar ánægðir með ferðina en styrkir frá ýmsum vestfirskum fyrirtækjum gerðu hana mögulega. Meðfylgjandi myndir voru teknar í ferðinni og nokkrar í viðbót eru komnar inn á myndasíðuna hér til hægri.
29 sep 2008

Góðir gestir

Þann 29 september sl. komu fulltrúar frá Vestfjarðadeild Félags íslenskra hjúkrunarfræðinga færandi hendi í skólann. Þær færðu sjúkraliðabraut skólans blóðþrýstingsmæli til minningar um Pálínu Elíasdóttur fyrrum nemanda á sjúkraliðabrautinni og í hjúkrunarfræði við Háskólann á Akureyri en hún hefði orðið fertug þennan dag.Pálína lauk sjúkraliðanámi frá MÍ og einnig stúdentsprófi. Hún stundaði fjarnám í hjúkrunarfræði við Háskólann á Akureyri þegar hún lést. Hún var í hópi fjarnámsnema sem sóttu tíma gegnum fjarfundarbúnað í MÍ og höfðu einnig vinnuaðstöðu á heimavist skólans. Stjórnendur skólans færa Vestfjarðadeildinni kærar þakkir fyrir gjöfina.
16 sep 2008

Nýnemaferð í Dýrafjörð

Hin árlega nýnemaferð var farin dagana 11. og 12. september sl. Farið var að Núpi í Dýrafirði og var ferðin að vanda vel heppnuð. Myndir úr ferðinni eru komnar inn á myndasíðuna.
15 sep 2008

Próftafla haustannar

Próftaflan er nú tilbúin og aðgengileg hér á vef skólans og einnig í INNU. Nemendur eru hvattir til að kynna sér próftöfluna vel og einnig minntir á að ef þeir ætla að skrá sig úr áföngum á haustönn þá er það hægt fram á miðvikudaginn 17. september.
9 sep 2008

Tilkynning til dreifnámsnema

Dreifnámið hófst í dag. Allir dreifnámsnemendur hafa verið skráðir í áfanga á Námskjánum. Allir utanskólanemendur hafa fengið bréf með netföngum í skólanum, aðgangsorðum og lykilorðum að póstinum, Innu og Námskjánum. Ef einhver hefur ekki fengið þessar upplýsingar á viðkomandi að hafa samband við umsjónarmann dreifnáms gudrun@misa.is
8 sep 2008

Upphaf dreifnáms

Dreifnámsnemar eru boðnir velkomnir til starfa en dreifnámið hefst þriðjudaginn 9. september. Kennt verður í 6 námslotum.
4 sep 2008

Nýnemaferð MÍ

Hin árlega náms- og samskiptaferð nýnema verður farin að Núpi í Dýrafirði 11.-12. september. Mæting er í skólanum kl.08:00 og lagt af stað kl. 08:30. Nemendur borga fæði og svefnpokagistingu kr. 3500 en rútuferðin er þeim að kostnaðarlausu. Borga á hjá ritara í síðasta lagi miðvikudaginn 10. september.


Aðstoðarskólameistari

4 sep 2008

Busavígsla

Innvígsluathöfn nýnema fór fram í og við skólann s.l. föstudag. Nýnemar voru látnir skemmta eldri nemum og sýna þeim tilhlýðilega virðingu. Þeir fengu síðan að smakka kryddaða síld og skoluðu henni niður með heilsublöndu í formi lýsis og mysu. Að því búnu þurftu þeir að lúta í gangstétt fyrir eldri nemum en var svo boðið upp á grillaðar pulsur og gos. Myndir frá innvígsluathöfninni eru komnar inn á myndasíðuna.