Valdagur 27. október

Á morgun, fimmtudaginn 27. október, er valdagur. Þá þurfa allir nemendur að velja áfanga fyrir vorönn 2017. Alla upplýsingar vegna valdagsins eru á heimasíðu skólans, sjá hér.

Nýnemar munu fá aðstoð við valið í náms- og starfsfræðslutimum. Aðrir nemendur geta leitað til náms- og starfsráðgjafa eða áfangastjóri í stofu 10-11 milli kl. 10:30-11:30 á morgun.

Vali þarf að vera lokið í síðasta lagi mánudaginn 31. október. Þeir nemendur sem ekki velja áfanga fyrir vorönn fá ekki greiðsluseðil og fá þá ekki heldur stundatöflu. Ef nemandi ætlar sér ekki að stunda nám á vorönn við MÍ er nauðsynlegt að láta áfangastjóra vita.

 

Stćrđfrćđikeppni framhaldsskólanna 2016-2017

Forkeppni stærðfræðikeppni framhaldsskólanna fór fram þann 4. október 2016 og voru þátttakendur 245 á neðra stigi og 132 á efra stigi frá alls 24 skólum. Þrír nemendur frá MÍ tóku þátt í keppninni að þessu sinni. Þeir Dagur Benediktsson og Einar Óli Guðmundsson á efra stigi og Pétur Ernir Svavarsson á neðra stigi. Pétri Erni gekk ljómandi vel í keppninni en hann lenti í 15 sæti af 245 keppendum. Öllum keppendum er þakkað kærlega fyrir þátttökuna og Pétri Erni er óskað innilega til hamingju með árangurinn, sem fleytir honum áfram í síðari hluta keppninnar sem fer fram í mars á næsta ári. 

Styrkarhlaupi NMÍ frestađ um viku vegna veđurs

Vegna slæmrar veðurspár hefur styrktarhlaupi NMÍ sem áformað var að halda í dag verið frestað um viku. Hlaupið verður miðvikudaginn 26. október.

Skólahjúkrun og heimanámsađstođ

Skóli er svo margt! Menntaskólinn á Ísafirði er í áhugaverðum samstarfsverkefnum í heimabyggð til að sporna við brottfalli og bæta líðan nemenda. Annars vegar er það verkefni um skólahjúkrun í samstarfi við Heilbrigðisstofnun Vestfjarða en Rakel Ingvadóttir skólahjúkrunarfræðingur er með viðtalstíma í skólanum alla miðvikudaga frá kl. 10:30-12:00. Hins vegar er það samstarfsverkefni við Vesturafl og Starfsendurhæfingu Vestfjarða. Einn angi af því verkefni er heimanámsaðstoð sem verður í boði fyrir nemendur alla miðvikudaga frá kl. 15:15-16:15. Ýmislegt fleira er svo í farvatninu.

Styrktarhlaup NMÍ

Á morgun, miðvikudaginn 19.október, mun nemendafélag MÍ halda styrktarhlaup fyrir Krabbameinsfélagið Sigurvon. Hlaupið hefst við MÍ kl. 17:00 en skráning hefst kl. 16:30.

Þrjár göngu- og hlaupaleiðir eru í boði: 2,5 Km, 5 km og 10 km. Það kostar 500 krónur að taka þátt en öllum er velkomið að styrkja eins og hver vill. Endilega dragið með ykkur hlaupahópinn, fjölskyldu eða vinnufélaga - því fleiri því betra. Margt smátt gerir eitt stórt.

Skuggakosningar 2016

Skuggakosningar verða í skólanum á morgun, fimmtudaginn 13. október. Kjörfundur verður í stofu 10-11 og stendur frá kl. 9 til 16. Á kjörskrá eru allir nemendur í dagskóla sem fæddir eru 28. apríl 1995 og síðar. Kjósendur eru hvattir til að kynna sér framkvæmd skuggakosninga á síðunni egkys.is. Þar er einnig að finna upplýsingar um þá flokka sem munu bjóða fram lista í alþingiskosningunum þann 29. október n.k.

Lýđrćđisvika í MÍ

Þessa dagana stendur yfir lýðræðisvika í flestum framhaldsskólum landsins. Kennarar eru hvattir til að leggja fyrir lýðræðistengd verkefni í tímum, hvetja nemendur til þess að svara spurningum kosningavitans og stuðla að  stjórnmálaumræðu í tímum. Lýðræðisvikan endar á skuggakosningum þann 13. október, en áður en nemendur ganga til atkvæðagreiðslu er mikilvægt að þeir taki upplýsta ákvörðun. Nánar er hægt að fræðast um lýðræðisvikuna og skuggakosningar á síðunni http://egkys.is

Vettvangsferđ nema í B-námi vélstjórnar til Reykjavíkur

Hópurinn međ Guđmundi Hagalín Guđmundssyni yfirmanni virkjanasviđs OR
Hópurinn međ Guđmundi Hagalín Guđmundssyni yfirmanni virkjanasviđs OR
« 1 af 2 »
Nemendur í B námi vélstjórnar fóru á dögunum í vettvangsferð til Reykjavíkur og nágrennis í fylgd kennara síns Friðriks Hagalín Smárasonar. Lagt var af stað til Reykjavíkur snemma morguns þriðjudaginn 27. september og komið til Reykjavíkur eftir hádegi. Þá var haldið austur í Hellisheiðarvirkjun þar sem nemendur fengu langa og góða kynningu hjá Guðmundi Hagalín Guðmundssyni sem er forstöðumaður virkjanareksturs Orkuveitu Reykjavíkur. Daginn eftir var farið í heimsókn í Véltækniskólann fyrir hádegi og eftir hádegi var farið á Sjávarútvegssýninguna í Laugardalshöll. Fimmtudaginn 29. september var farið í heimsókn í Vélar og skip kl. 8 árdegis lagt af stað áleiðis heim um hádegið, eftir skemmtilega og fræðandi ferð. Nokkrar myndir úr ferðinni eru hér með og einnig á facebook síðu skólans. 

Úrslit í róđrarkeppni

Þá er árlegri róðrarkeppni MÍ lokið og úrslit ljós.
Sigurvegarar keppninnar að þessu sinni urðu Moby Dick og dvergarnir 6 og Sigþór en þeir réru á tímanum 00:49:35. Næstir komu Karlalið kennara á tímanum 00:54:82 og í þriðja sæti varð lið 1. bekkinga á tímanum 01:03:45. Alls tóku 8 lið í keppninni og gekk á ýmsu. Það má nefna að lið stjórnar NMÍ og lið Háskólaseturs 2 voru nánast hnífjöfn í mark eftir að bátar liðanna höfðu flækst saman á leiðinni. Lið NMÍ tókst þó fyrir harðfylgi að vera sjónarmun á undan liði Háskólaseturs. Þá urðu 2 síðustu liðin að hætta keppni vegna vaxandi hvassviðris undir lok keppninnar. Öllum keppendum er þökkuð drengileg keppni og einni öllum þeim sem stóðu að undirbúningi. Stefnt er að ennþá veglegri keppni næsta haust og víst er að ýmsir þykjast þar eiga harma að hefna.

Róđrarkeppni

Hin árlega róðrarkeppni fer fram á Pollinum í dag. Róið verður frá Edinborgarbryggju og hefst keppnin kl. 10.30 og reikna má með að hún standi til kl. 12. Að keppni lokinni býður stjórn NMÍ viðstöddum upp á grillaðar pylsur. Allir nemendur og starfsmenn eru hvattir til að mæta á keppnina og hvetja sín lið og einnig verður hægt að skrá lið alveg fram að keppni. Skráning er hjá ritara skólans.
Atburđir
« September »
S M Ţ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Nćstu atburđir

Vefumsjón