Gettu betur-lið skólans keppir miðvikudaginn 13. janúar kl. 20:30 við Verkmenntaskólann á Akureyri (VMA). Fyrstu viðureignirnar í Gettu betur fara fram á Rás 2. Fyrir hönd MÍ keppa Dóróthea Magnúsdóttir, Friðrik Þórir Hjaltason og Kolbeinn Sæmundur Hrólfsson. Liðsstjóri er Veturliði Gylfason.

Menntaskólinn á Ísafirði býður alla nemendur, kennara og annað starfsfólk velkomið til starfa á vorönn 2016. Upphaf vorannar er með eftirfarandi hætti:

4. janúar:
Stundaskrár opnast í INNU. Námsgagnalisti nemenda er í INNU og einnig hér.

5. janúar:  
Skólinn hefst með stuttri athöfn á sal kl. 9:00. Stundatöflur verða afhentar kl. 9:30.

Töflubreytingar fara fram milli kl. 10:00 og 14:00. Nemendur sækja sér númer hjá ritara.

6. janúar:
Kennsla hefst samkvæmt stundatöflu.

Kynningarfundur fyrir nemendur með lesblindu kl. 15:15 á hljóðbókanotkun en nemendur sem hafa aðgang að Hljóðbókasafni Íslands geta nálgast flestar kennslubækur sínar hjá safninu.

18. janúar:
Kennsla í dreifnámi hefst.

22. janúar:
Síðasti dagur til að segja sig úr áfanga á vorönn 2016.

22. janúar:
Síðasti dagur fyrir útskriftarnemendur að skrá sig til útskriftar hjá ritara.

25. febrúar:
Valdagur fyrir haustönn 2016.

28. maí:
Útskrift frá Menntaskólanum á Ísafirði.

 

Menntaskólinn á Ísafirði óskar ykkur gleðilegra jóla með rafrænni jólakveðju.

Skrifstofa Menntaskólans á Ísafirði er nú lokuð. Opnar skrifstofan aftur mánudaginn 4. janúar.

Föstudaginn 18. desember s.l. fór fram brautskráning frá Menntaskólanum á Ísafirði. Alls brautskráðust 15 skipstjórar með A-réttindi (að 24 metrum), 2 sjúkraliðar og 6 stúdentar  Fór brautskráningin fram við hátíðlega athöfn í Ísafjarðarkirkju. Við athöfnina flutti fulltrúi 30 ára stúdenta, Guðrún Ásbjörg Stefánsdóttir ávarp en þann 15. desember voru 30 ár liðin síðan fyrstu öldungardeildarnemendurnir voru útskrifaðir frá MÍ.

Föstudaginn 18. desember milli kl. 10 og 11 er prófsýning. Listi yfir hvar kennara er að finna hangir upp á upplýsingatöflum. Eftir hádegi sama dag eða kl. 14:00 er útskrift í Ísafjarðarkirkju. Útskrifaðir verða 15 nemendur með skipstjórnarréttindi A, 2 sjúkraliðar og 6 stúdentar. 

Vísindadagar MÍ 2015 verða settir á morgun, fimmtudag kl. 8:10 í Gryfjunni. Nýkrýndur sigurvegari í The Voice Ísland, Hjörtur Traustason stígur á stokk. Dagskrá Vísindadaganna má finna hér.

Dagana 10. og 11. desember n.k.  verða vísindadagar í Menntaskólanum á Ísafirði. Er þetta í annað skiptið sem slíkir dagar fara fram. Á vísindadögunum verður hefðbundið skólastarf brotið upp með sýningum og kynningum nemenda á því fjölbreytta starfi sem fram fer í skólanum. Allir íbúar skólasamfélagsins nær og fjær eru velkomnir í skólann á meðan á Vísindadögum MÍ 2015 stendur.

Vísindadagar MÍ 2015 verða settir í Gryfjunni (sal MÍ) fimmtudaginn 10. desember kl. 8:10. Sérstakur gestur á setningunni verður Hjörtur Traustason nýkrýndur sigurvegari The Voice Ísland sem ætlar að syngja nokkur lög.

Á Vísindadögum verður ýmislegt að sjá. Boðið verður upp á tímaflakk í gegnum hártískuna, verklegar æfingar í náttúrufræði og eðlisfræði, nemendur í málmiðngreinum reyna að láta tónlist hafa áhrif á gas, nemendur sýna nýja snjallsímasmásjá sem búin var til í Fab Lab og hægt verður að skoða erfðaefni með aðferðum erfðatækninnar með rafdráttartækjum sem voru endurhönnuð og smíðuð í Fab Lab. Einnig verða ýmsar sýningar og kynningar um allan skólann á verkefnum nemenda í hinum ýmsu greinum. Er þá aðeins fátt eitt upptalið af því sem nemendur skólans taka sér fyrir hendur á Vísindadögum og erum við ákaflega stolt af hugmyndaauðgi þeirra og áhuga. Dagskrá Vísindadaga má sjá hér.

Á meðan á Vísindadögum stendur geta gestir gætt sér á ávöxtum og grænmeti á sérstöku hlaðborði, skoðað Læðuna, rafbílinn okkar sem Orkubú Vestfjarða gaf okkur og farið í bíó tengt Fab Lab og fengið alvöru bíópopp.

Dagskránni lýkur með verðlaunaafhendingu á föstudeginum. Allir gestir eiga þess kost að leysa vísindaþraut þar sem einn vinningshafi fær vinning. Veitt verða sérstakar viðurkenningar fyrir athyglisverðustu kynninguna og athyglisverðustu sýninguna auk þess sem dregið verður í happdrætti. Nemendafélagið býður nemendum upp á  kvikmyndakvöld á fimmtudeginum og  afþreyingu á föstudegi.

 

 

Kæri nemandi!
Ertu búinn að skila bókum á bókasafnið?
Síðasti skiladagur á haustönn er 11. des. nk.
Bókasafnið verður að sjálfsögðu opið á námsmatsdögum!