Áfangalýsing:
Í áfanganum er lögð áhersla á að nemendur séu færir um að skilja venjulegt talað og ritað mál almenns eðlis. Dönsk menning er kynnt og áhugi á henni vakinn. Áhersla er lögð á að orðaforði og lesskilningur nemenda verði aukinn, svo og að þeir geti tjáð sig munnlega og skriflega. Nemendur eru þjálfaðir í framburði og réttritun og læra að beita algengustu málfræðireglum, og kynnast hvernig danskan nýtist á hinu norræna menningarsvæði. Nemendur fá þjálfun í að nota hjálpargögn og kennsluforrit í námi sínu.
Forkröfur: Engar
Markmið:
Nemandi skal hafa öðlast þekkingu og skilning á:
- dönsku samfélagi, viðhorfum og gildum sem móta danska menningu.
- hvernig kunnátta í dönsku getur nýst á norræna menningarsvæðinu.
- geta orðað hugsanir sínar skýrt bæði í ræðu og riti.
- helstu málnotkunarreglum og hefðum um uppsetningu og skipulagi ritaðs máls.
- notkun margmiðlunartækni í tungumálanámi.
Nemandi skal hafa öðlast leikni í að:
- skilja eðlilegt mál við mismunandi aðstæður sem og algeng orðasambönd sem einkenna það.
- lesa fjölbreytta gerðir texta og geta beitt til þess þeim lestraraðferðum sem við eiga í hvert sinn.
- tjá sig skýrt og án vandkvæða um almenn málefni.
- rita einfaldan texta og beita til þess helstu meginreglum danskrar mál- og setningafræði.
Nemandi skal geta hagnýtt þá almennu þekkingu og leikni sem hann hefur aflað sér til að:
- skilja aðalatriði venjulegs talmáls hvort sem hann þekkir umræðuefni eða ekki, s.s. samræður og fjölmiðlaefni.
- tileinka sér efni ritaðs texta og nýta á margvíslegan hátt.
- átta sig á dýpri merkingu texta.
- tjá sig á skýran og áheyrilega hátt og beita tungumálinu á viðeigandi hátt við mismunandi aðstæður.
- takast á við og leysa ýmis mál sem geta komið upp t.d. á ferðalagi um Danmörku og haga orðum sínum í samræmi við aðstæður.
- auka eigin meðvitund um eigin færni og námsframvindu.
- sýna sjálfstæði í vinnubrögðum m.a. með því að nýta sér ýmis hjálpargögn, upplýsingaveitur á veraldarvefnum og námsforrit.
