Á dögunum fór fram sveinspróf í húsasmíði í smíðastofum MÍ. Sveinsprófið skiptist í 2 klst skriflegt og 20 klst verklegt próf. 5 nýútskrifaðir húsasmíðanemendur þreyttu prófið og náðu þeir allir. Óskum við þeim Jóni Ólafi Gunnarssyni, Leifi Blöndal, Magnúsi Ellert Steinþórssyni, Vali Richter og Vilmari Ben Hallgrímssyni innilega til hamingju með sveinsréttindin sín. Kennarar þeirra hér í MÍ eru Fannar Þór Þorfinnsson og Þröstur Jóhannesson. Yfirsetumaður í sveinsprófinu var Rúnar Eyjólfsson.
Fréttir
Laugardaginn 26. maí voru 79 nemendur brautskráðir frá Menntaskólanum á Ísafirði. Brautskráðir voru 6 vélstjórar með A-réttindi, 1 nemendi af lista- og nýsköpunarbraut, 4 með skipstjórnarpróf A, 1 með skipstjórnarpróf B, 2 sjúkraliðar, 7 húsasmiðir og 62 stúdentar sem brautskráðust eftir tveimur ólíkum námskrám.
Með hæstu meðaleinkunn á stúdentsprófi voru þær Erna Kristín Elíasdóttir og Telma Ólafsdóttir.
Laugardaginn 26. maí verða 79 nemendur brautskráðir frá Menntaskólanum á Ísafirði. Brautskráðir verða 6 vélstjórar með A-réttindi, 1 af lista- og nýsköpunarbraut, 4 með skipstjórnarpróf A, 1 með skipstjórnarpróf B, 2 sjúkraliðar, 7 húsasmíðir og 62 stúdentar. Athöfnin fer fram frá Ísafjarðarkirkju og hefst kl. 13:00.
Við vekjum athygli á að streymt verður frá útskriftinni og verður hægt að horfa hér.
Nemendur sem eru að ljúka námi samkvæmt nýrri námskrá á stúdentsbrautum taka allir áfanga sem heitir lokaverkefni. Í þeim áfanga vinna nemendur að stóru verkefni að eigin vali. Í ár er afrakstur lokaverkefnisáfangans einstaklega fjölbreytt efni og áhugavert. Nemendur hafa valið verkefnin af kostgæfni og sýna hvað í þeim býr.
Kynningarnar verða á fimmtudeginum 17. maí 2018. Fjallað verður um íþróttir, búninga og tísku, eðlis- og efnafræði, sögu, hagfræði, dýrafræði, félagsfræði og heilsu svo af mörgu er að taka. Þessi 27 verkefni samanstanda af 2 rannsóknarskýrslum, 2 myndböndum, 2 heimasíðum, 9 fræðiritgerðum og 12 heimildaritgerðum. Allir eru velkomnir á kynningarnar sem verða í stofu 17, sem er fyrirlestrarsalur Menntaskólans á Ísafirði.
Dagskráin er sem hér segir (með fyrirvara um breytingar):
Kynningar 09:00-09:40 | |||
08:00 | Asmi á meðal íþróttafólks | ||
08:10 | Lyftingar- og matarprógramm | ||
08:20 | Íslenskir handboltaþjálfarar | ||
08:30 | Geta foreldrar haft áhrif á íþróttaiðkun barna? | ||
08:40 | Veganmismi og íþróttamenn | ||
08:50 | Íþróttir á Ísafirði | ||
09:00 | Ólympíuleikarnir | ||
09:10 | Sveindl á Ólympíuleikum, aðallega vetrarleikum | ||
09:20 | Þjóðbúningurinn minn | ||
09:30 | Tískan | ||
|
|||
10:00 | Hermitilgátan | ||
10:10 | Hvarftími málma | ||
10:20 | Takmarkaða afstæðiskenningin | ||
10:30 | Lögleg og ólögleg lyf | ||
10:40 | Jóhannes Lárus Lynge Jóhannsson | ||
10:50 | Útrýmingarbúðir nasista | ||
11:00 | Bitcoin og ragfjaldmiðlar | ||
11:10 | Snæugla | ||
11:20 | Hundar og umhirða þeirra | ||
Kynningar 12:30-13:50 | |||
12:20 | Einhverfa og Asperger-heilkennið | ||
12:40 | Rant myndband | ||
12:50 | Sjálfsmynd íslenskra stúlkna | ||
13:00 | Samfélagsmiðlar og snjallsímar | ||
13:10 | Brjóstakrabbamein - allt sem þarf að vita | ||
13:20 | Mismunandi kynhneigðir | ||
13:30 | Kaffi | ||
13:40 | Snjóbretti og skíði |
Mánudaginn 14. maí kl. 16 fer fram í Ísafjarðarbíói kvikmyndarallý Menntaskólans. Þar munu nemendur í kvikmyndaáföngum á vorönn sýna verkefni og stuttmyndir og tekur sýningin um 80 mínútur. Nemendur í inngangsáfanga munu allir sýna um einna mínútu langar stuttmyndir og nemendur í framhaldsáfanga munu sýna allt að 10 mínútna lokaverkefni. Við þökkum Ísafjarðarbíói kærlega fyrir velvildina að gera okkur kleift að sýna myndirnar í bíóinu og bjóðum alla áhugasama velkomna í bíó.
Menntaskólinn á Ísafirði býður upp á ýmisskonar nám með vinnu. Námið sem er í boði er:
- fjarnám í bóknámsáföngum
- félagsliðanám (kennt í samstarfi við Fjarmenntaskólann)
- húsasmiðanám (kennt í MÍ)
- sjúkraliðanám (kennt í samstarfi við Fjarmenntaskólann)
- skipstjórnarnám A (kennt í MÍ)
Umsóknarfrestur er til 31. maí og er sótt um í gegnum www.menntagatt.is
Allar frekari upplýsingar um námið gefa Heiðrún Tryggvadóttir aðstoðarskólameistari (heidrun@misa.is) og Andrea Harðardóttir áfangastjóri (andrea@misa.is)
Nú stendur yfir innritun í Menntaskólann á Ísafirði og fer hún fram á www.menntagatt.is. Námsframboðið í MÍ er fjölbreytt og þar ættu flestir að finna eitthvað við sitt hæfi.
Væntanlega hafa margir bæjarbúar vaknað snemma í morgun við lúðrablástur útskriftarefna ársins 2018. Dimission er í gangi! Orðið dimmision er leitt af latneskri sögn sem merkir að senda burt, dimmision er þannig brottfararsiður og markar lok náms í framhaldsskóla. Nú taka við nýir tímar og því fagna útskriftarefnin í dag.
Dimission-hópurinn í ár er óvenju fjölmennur enda munu í vor útskrifast tveir árgangar frá MÍ vegna breytinga á námskrá framhaldsskóla og styttingu náms til stúdentsprófs. Nemendur sem útskrifast í vor samkvæmt eldri námskrá klæddu sig upp eldsnemma í morgun sem kötturinn Garfield og nemendur sem útskrifast samkvæmt nýju námskránni leituðu í smiðju Frosen-myndarinnar og klæddu sig upp sem snjókarlinn Ólafur. Hópurinn gekk fylktu liði um bæinn eldsnemma í morgun og vakti starfsmenn skólans. Að því loknu hélt hópurinn í morgunverð til skólameistara og síðan tók við kveðjustund í skólanum áður en haldið var í bílferð um bæinn. Eftir hádegi tekur við skemmtilegur ratleikur og gleðinni lýkur síðan á lokaballi NMÍ í Krúsinni í kvöld.
Við óskum öllum sem eru að dimmitera góðrar skemmtunar í dag og vonum að dagurinn verði þeim eftirminnilegur.
Í dag opnaði fyrir skráningu í fjarnám á haustönn. Skráningu lýkur 17. ágúst n.k. Allar upplýsingar um áfanga í boði má finna hér. Á heimasíðu skólans má finna frekari upplýsingar um fjarnámið. Þar er einnig hægt að skrá sig í áfanga.
Nú stendur yfir innritun fyrir haustönn 2018.
- Forinnritun 10. bekkinga stendur yfir til 13. apríl.
- Lokainnritun 10. bekkinga stendur yfir 7. maí - 8. júní.
- Innritun eldri nemenda stendur yfir frá 6. apríl - 31. maí.
- Innritun í fjarnám stendur yfir frá 10. apríl til 17. ágúst.
Innritun 10. bekkinga og eldri nemenda fer fram á Menntagátt. Innritun í fjarnám fer fram hér.
Frekari upplýsingar um innritun í MÍ má finna hér. Allar frekari upplýsingar um nám við skólann veitir Stella Hjaltadóttir náms- og starfsráðgjafi, stella@misa.is