Áfangalýsing:
Farið verður í valda þætti vestrænnar menningar frá fornöld til upphafs 19. aldar. Áhersla er lögð á fimm meginþætti: sögu Grikkja og Rómverja, miðaldir, uppgang og áhrif kristninnar og islam, siðaskiptin og landafundina, upphaf nútímaþjóðfélags með áherslu á upplýsinguna. Íslandssögunni verður blandað inn í fyrrgreinda þætti og áhersla lögð á að nemendur átti sig á samhengi milli hennar og Evrópusögunnar.
Samhliða umfjölluninni verður lögð áhersla á að nemendur átti sig á samhengi og samfellu í sögunni og leggi mat á viðfangsefnið. Nemendur vinna verkefni, bæði einstaklingsverkefni og hópverkefni, sem þjálfa sjálfstæð vinnubrögð og gagnrýna hugsun. Jafnframt verður áhersla lögð á heimildaleit, mismunandi heimildir og heimildarýni.
Forkröfur: Engar
Markmið:
Nemandi skal hafa aflað sér almennrar þekkingar og skilnings á:
- völdum þáttum úr sögu mannkyns frá upphafi til nýaldar.
- algengum hugtökum sem höfð eru um fyrirbæri sögunnar.
- að sjálfsmynd einstaklinga og hópa mótast af sögunni.
- mikilvægi gagnrýninnar hugsunar.
- tegundum heimilda og helstu vinnubrögðum við heimildaleit og heimildanotkun.
- tengslum fortíðar og nútíðar.
Nemandi skal hafa öðlast leikni í að:
- lesa einfalda sagnfræðilega texta á íslensku.
- tengja samtíðaratburði við það sem áður hefur gerst.
- nota a.m.k. tvær gerðir heimilda við verkefnavinnu.
- taka saman skriflega stutta umfjöllun um afmarkað sögulegt efni og kynna fyrir jafningjum.
Nemandi skal geta hagnýtt þá almennu þekkingu og leikni sem hann hefur aflað til að:
- setja sjálfan sig í samhengi sögunnar sem þátttakandi og skoðandi.
- geta sett sig í spor fólks á ýmsum tímum.
- geta tekið þátt í skoðanaskiptum og rökræðum með jafningjum um sagnfræðilega efni sem tekin eru fyrir í áfanganum.
