Inntökuskilyrði inn í MÍ
Allir sem hafa áhuga á framhaldsskólanámi eru velkomnir í Menntaskólann á Ísafirði. Námsbrautir skólans eru bóknámsbrautir, starfs- og verknámsbrautir, lista- og nýsköpunarbraut og sérnámsbraut (starfsbraut). Inntökuskilyrði eru að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun hafa áhrif á inn á hvaða þrep nemandinn innritast.
Til að hefja nám á brautinni þurfa nemendur að hafa lokið kjarnagreinum grunnskóla með fullnægjandi árangri. Námsárangur í kjarnagreinum mun hafa áhrif á inn á hvaða þrep nemandinn innritast.
Til að hefja nám á brautum til stúdentsprófs þarf umsækjandi að hafa lokið grunnskóla með C eða betri einkunn í ensku, íslensku og stærðfræði.
Til að hefja nám á verk- og starfsnámsbrautum þurfa nemendur að hafa lokið kjarnagreinum grunnskóla með fullnægjandi árangri. Námsárangur í kjarnagreinum mun hafa áhrif á inn á hvaða þrep nemandinn innritast.
Sérnámsbraut (starfsbraut) er ætluð nemendum sem hafa notið verulegrar sérkennslu í grunnskóla.
Almennt gildir um röðun í áfanga í kjarnagreinum (ensku, íslensku og stærðfræði):
| D | Undirbúningsáfangi í samráði við námsráðgjafa og stjórnendur |
| C og C+ | Áfangi á 1. þrepi |
| B, B+ og A | Áfangi á 2. þrepi |
