Skipstjórn A (réttindi að 24 metrum)

Næsti dreifnámshópur fer af stað í janúar 2025 með fyrirvara um þátttöku.

Lýsing: Markmið námsins er að nemendur öðlist þekkingu, færni og hæfni sem krafist er til skipstjórnarréttinda á skipum styttri en 24 metrar. Réttindin fást að fullnægðum skilyrðum um siglingatíma og starfsþjálfun.

Námsframvinda: Námið er 65 einingar. Meðalnámstími er 1½ ár.

Inntökuskilyrði á brautina: Að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun hafa áhrif á inn á hvaða þrep nemandinn innritast.

Námsfyrirkomulag: Námið er kennt í dreifnámi. Dreifnám fer fram í staðlotum á föstudögum og laugardögum, þrisvar til fjórum sinnum yfir önnina. Innritunar- og skólagjöld í dreifnámi eru 15.000 kr og einingagjald er 2.200 kr á hverja einingu.

Brautaruppsetning á www.namskra.is