Farsældarþjónusta

Lög um samþættingu þjónustu í þágu farsældar barna tóku gildi þann 1. janúar 2022. Meginmarkmið laganna er að skapa umgjörð sem stuðlar að því að börn og foreldrar, sem á þurfa að halda, hafi aðgang að samþættri þjónustu við hæfi án hindrana.
Í lögunum kemur fram að allir nemendur undir 18 ára aldri og fjölskyldur þeirra geta leitað til tengiliðar innan skólans. Tengiliður veitir upplýsingar, leiðbeinir og beinir málum í réttan farveg, eftir því sem þörf krefur. Ef þörf er á frekari aðstoð geta foreldrar og börn, með aðstoð tengiliðar lagt fram beiðni um samþættingu þjónustu. Tengiliður getur þá óskað eftir upplýsingum frá þeim sem þjónusta barnið með það að markmiði að skipuleggja og fylgja eftir samþættri þjónustu við barnið. Ef barnið hefur þörf fyrir frekari þjónustu til lengri tíma skal sveitarfélag þar sem barn á lögheimili tilnefna málstjóra á grundvelli laganna. Tengiliður getur aðstoðað börn og foreldra við að koma upplýsingum um þörf fyrir tilnefningu málstjóra til sveitarfélags.

Tenglar:

• Lög um samþættingu þjónustu í þágu farsældar barna nr. 86/2021
• Reglugerð um tengiliði og málstjóra samþættingar þjónustu í þágu farsældar barna, nr. 1180/2022
• Heimasíða Barna- og fjölskyldustofu
• Upplýsingar um hlutverk tengiliða
• Kynning á samþættingu þjónustu í þágu farsældar barna

Tengiliðir vegna farsældarþjónustu:

Erna Sigrún Jónsdóttir námsráðgjafi, erna@misa.is

Herdís Alberta Jónsdóttir sviðsstjóri á starfsbraut, herdis@misa.is