Áfangalýsing:

Það er öllum nauðsynlegt að gera sér grein fyrir bókhaldshringrásinni og skilja hvernig tekjur og gjöld hafa áhrif á eigið líf. Áfanginn er um bókhaldshringrásina og helstu reglur tvíhliða bókhalds. Fjallað er um grundvallarhugtökin eignir og skuldir, gjöld og tekjur. Lögð er áhersla á að nemendur verði færir um að annast almennar færslur í dagbók, hafi skilning á uppgjöri og geti sett fram einfaldan efnahags- og rekstrareikning. Nemendum er veitt innsýn í notkun flestra reikninga sem telja má til grunnreikninga í fjárhagsbókhaldi. Nemendum er gerð grein fyrir tilgangi bókhalds og kynnt helstu lög um bókhald og virðisaukaskatt. Áfanginn er að mestu unnin í Excel. Eftir þetta námskeið eiga nemendur að vera færir um að sjá um eigið bókhald og bókhald lítilla félaga.

Forkröfur: Engar

Markmið:

Nemandi skal hafa öðlast þekkingu og skilning á: 

• Grunnhugtök bókfærslu
• Debet og kredit
• Eignum og skuldum
• Gjöldum og tekjum
• Virðisaukaskatti og tilgangi hans
• Helstu lögum um bókhald
• Þeim lögum sem í gildi eru um toll og virðisaukaskatt
• Einföldum efnahags- og rekstrarreikning 

Nemandi skal hafa öðlast leikni í að: 

• Færa einfaldar og flóknar dagbókafærslur 
• Stilla upp prófjöfnuði 
• Færa niðurstöður dagbókar í aðalbók 
• Setja upp efnahags- og rekstrarreikning 
• Reikna út hagnað og tap 
• Gera upp virðisaukaskatt 
• Færa færslur vegna innflutnings
  
  
  

Nemandi skal geta hagnýtt þá þekkingu og leikni sem hann hefur aflað sér til að: 

• Geta sett upp einfalt bókhald sem er metið með verkefnum og prófum 
• Geta gert upp lítið félag/fyrirtæki, fært bókhald og sett upp efnahags- og rekstrarreikning
• Geta skráð niður lausnir sínar skipulega og útskýra þær skilmerkilega fyrir öðrum
• Geta móttekið og túlkað útskýringar og röksemdir annarra í mæltu máli og í texta
• Geta leyst bókhaldsleg viðfangsefni í daglegu lífi með því að beita gagnrýninni og skapandi hugsun