Vorönn að klárast

14 maí 2020

Vorönn að klárast

Nemendur í háriðn eru að ljúka vorönn
Nemendur í háriðn eru að ljúka vorönn

Vorönn í Menntaskólanum á Ísafirði fer nú að ljúka. Verknámsnemendur hafa mætt í skólann undanfarnar tvær vikur og bóknám hefur að mestu verið klárað í fjarnámi en þó hafa einstaka verklegir tímar farið fram í skólahúsnæðinu.

Nemendur eru með mikilli vinnu og skipulagi að ná að klára sín verkefni og fög í skólanum við þessar sérstöku aðstæður.

Samstaða, jákvæðni og þrautseigja má segja að hafi einkennt nám og kennslu undanfarnar vikur.

Framundan eru námsmatsdagar og annarlok. Dimmisjón útskriftarnema verður á morgun, föstudaginn 15. maí, og útskriftarathöfn mun fara fram í Ísafjarðarkirkju þann 6. júní kl. 13.00. 

Eins og sjá má á meðfylgjandi mynd er aftur komið líf í skólahúsnæðið og einbeittir nemendur leggja lokahönd á sín verkefni. 

Til baka