Ef þér finnst stundum eins og lífið sé ekki þess virði að lifa eða þér finnst stundum eins og að

• Neikvæðar og óþægilegar hugsanir taki yfir hug þinn allan.

• Sársaukinn sé óbærilegur og óyfirstíganlegur.

• Það sé engin von og engin ástæða til að lifa.

• Líf fólks yrði auðveldara án þín.

• Þú sért einmana, jafnvel þó þú eigir vini og fjölskyldu.

• Þú skiljir ekki af hverju þessar hugsanir koma eða af hverju þér líður svona.

Þá er gott að muna að

• Það er hjálp til staðar fyrir þig.

• Það er í lagi að tala um sjálfsvígshugsanir. Það getur hjálpað þér að líða betur.

• Allir geta upplifað sjálfsvígshugsanir.

• Sjálfsvígshugsanir eða sjálfsskaði eru ekki merki um veikleika heldur mikla vanlíðan.

• Til er fólk sem vill og getur hjálpað þér. Það sem þú getur gert er að

• Tala við einhvern sem þú treystir (t.d. fjölskyldumeðlim, vin eða samstarfsfélaga).

• Tala við fagaðila (t.d. heimilislækni, hjúkrunarfræðing eða sálfræðing á heilsugæslu).

• Taka þátt í sjálfshjálparhópum á vegum samtaka á geðheilbrigðissviði.

• Hringja í 1717 eða Píetasímann 552-2218. • Hafa samband við netspjall heilsuvera.is eða 1717.is. Ef þú ert í bráðri hættu, hafðu strax samband við 112