Í kvöld kl. 20 verður Þorsteinn Kristjáns Jóhannsson með fyrirlestur fyrir foreldra og forráðamenn um helstu einkenni tölvufíknar.  Þorsteinn er kennari og hefur sjálfur glímt við tölvufíkn. Hann heldur úti vefsíðunni www.tolvufikn.is en síðan er hönnuð til að hjálpa foreldrum barna í tölvuuppeldi, aðstoða tölvufíkla til að takst á við fíknina og fræða almennt um tölvufíkn.

Á fyrirlestrinum er farið lauslega yfir helstu einkenni tölvufíknar og skoðað hverjir eru líklegir til þess að þróa með sér slíka fíkn. Einnig er farið í ýmsar ráðleggingar fyrir tölvufíkla og aðstandendur þeirra. Nemendur MÍ munu fara á fyrirlestur með Þorsteini á morgun, miðvikudag.

Fyrirlesturinn fer fram í fyrirlestrarsal Menntaskólans á Ísafirði og hefst kl. 20:00. Allir sem áhuga hafa eru velkomnir.

Til baka