Sækir þú nám fjarri lögheimili og fjölskyldu? Kynntu þér reglur um námsstyrki og leiðbeiningar um skráningu á www.lin.is
Hægt er að skrá umsókn á Innu eða netbankanum!

Umsóknarfrestur vegna vorannar 2011 er til 15. febrúar næstkomandi!

Lánasjóður íslenskra námsmanna
Námsstyrkjanefnd

Umsjónartími verður í fundartíma fimmtudaginn 20. janúar. Nemendur eiga að hitta umsjónarkennara og fá úthlutað viðtalstímum.

Skólastarf á vorönn hefst þriðjudaginn 4. janúar kl. 09:00 með samkomu á sal. Skólameistari ávarpar nemendur og að því búnu taka umsjónarkennarar á móti nemendum og afhenda þeim stundatöflu og bókalista. Töflubreytingar hefjast að því loknu og standa fram eftir degi. Kennsla hefst samkvæmt stundaskrá miðvikudaginn 5. janúar.

Framhaldsskólakennari/vélfræðingur óskast í 100% stöðu í vélstjórnargreinum við Menntaskólann á Ísafirði. Umsækjandi skal hafa fullgild kennsluréttindi á framhaldsskólastigi í viðkomandi kennslugreinum og hafa lokið vélstjórnarnámi D. Leitað er að kennara sem hefur áhuga á að taka þátt í þróunarstarfi í kennsluháttum og á gott með að vinna með nemendum og kennurum. Laun eru samkvæmt gildandi kjarasamningi KÍ og fjármálaráðherra og stofnanasamningi skólans.

Umsókn þarf ekki að vera á sérstökum eyðublöðum. Með umsókn skal fylgja ítarlegar upplýsingar um menntun, fyrri störf og meðmælendur. Afrit prófskírteina skulu fylgja umsókn. Umsóknir skal senda til skólameistara á netfangið jon@misa.is eða á heimilisfang skólans: Menntaskólinn á Ísafirði, Torfnesi, 400 Ísafirði. Umsóknarfrestur er til 31. des. n.k. Umsókn getur gilt í sex mánuði frá því að umsóknarfresti lýkur. Öllum umsóknum verður svarað þegar ákvarðanir um ráðningar liggja fyrir. Nánari upplýsingar um starfið veitir Jón Reynir Sigurvinsson skólameistari jon@misa.is, eða í síma 4504400.

Menntaskólinn á Ísafirði er framsækinn skóli sem býður upp á fjölbreytt nám, bæði bók- og verknám. Í MÍ er öflugt og fjölbreytt þróunarstarf. Skólaandi MÍ er góður og andrúmsloftið í starfsmannahópnum er gott. Reisulegar byggingar Menntaskólans á Ísafirði eru rúmgóð og björt húsakynni. Þar er ein besta vinnuaðstaða til náms og kennslu sem þekkist á landinu. Menntskólinn á Ísafirði er meðal fremstu framhaldsskóla landsins í notkun upplýsingatækni. Skólinn getur boðið kennara í fullu starfi íbúð á heimavist á góðum kjörum. Skólameistari

Upplýsingar gefur:
Jón Reynir Sigurvinsson skólameistari
Netfang:jon@misa.is
Sími:8964636 eða 450 4400

Skólinn hefst að nýju eftir jólaleyfi þann 4. janúar. Nemendur eiga að mæta á sal kl. 09:00 og að því loknu hefjast töflubreytingar hjá námsráðgjöfum og áfangastjóra. Kennsla hefst samkvæmt stundatöflu miðvikudaginn 5. janúar kl. 08:00.