Fréttir
26 jan 2023
Löng hefð er fyrir sólarkaffi innan Menntaskólans á Ísafirði. Útskriftarferðarfarar skólans buðu upp á sólarpönnukökur og fleira meðlæti í Gryfjunni í dag, 26. janúar.
25. janúar er hinn eiginlegi sólardagur Ísfirðinga en sólardagur er miðaður við þann dag er sól sleikir Sólgötu við Eyrartún (ef veður leyfir) eftir langa vetursetu handan fjalla. Á Ísafirði hvefur sólin á bak við fjöll seint í nóvember og birtist aftur í lok janúar. Í meira en 100 ár hafa Ísfirðingar fagnað komu sólar með því að drekka sólarkaffi og gæða sér á pönnukökum.
Við bjóðum sólina velkomna aftur í bæinn.
25 jan 2023
Stöðupróf í tælensku verður haldið í Menntaskólanum á Ísafirði mánudaginn 13. febrúar kl. 15:00.
Skráning fer fram á heimasíðu skólans, www.misa.is, ekki síðar en 11. febrúar.
Prófgjald er 15.000,- kr., gefinn verður út reikningur í heimabanka.
Skráning hér
10 jan 2023
Þann 6. janúar skrifaði Menntaskólinn á Ísafirði undir samstarfssamning við fiskeldisfyrirtækin ArcticFish, Arnarlax og Háafell um framhaldsskólanám í fiskeldi í samstarfi við Vestfjarðastofu.
Á Vestfjörðum, eins og víðar um landið, er fiskeldið sem atvinnugrein í miklum vexti og mikill skortur á menntuðu starfsfólki. Ný námsbraut sem verður leidd af Menntaskólanum á Ísafirði ber yfirskriftina „hafið, umhverfið og auðlindir.“ Brautin mun samanstanda af stúdentsbraut með staðgóðri þekkingu á umhverfinu, auðlindum hafsins og fiskeldi og innan brautarinnar er eins árs nám sem kennir grunnþætti til starfa í fiskeldi.
Sjá frétt frá Vestfjarðastofu um samninginn https://www.vestfirdir.is/.../menntaskolinn-a-isafirdi...
9 jan 2023
MÍ keppir í kvöld í fyrstu umferð Gettu betur. Lið MÍ keppir við MH kl. 20:20 og verður keppnin í beinu vefstreymi á RÚV.is. Við óskum Jóni Karli, Sigurvalda og Sögu góðs gengis. ÁFRAM MÍ!
6 jan 2023
MÍ keppir þann 9. janúar við MH í 1. umferð Gettu betur. Viðureignin fer fram á Rás 2.
Í dag fór fram keppni þar sem við áttust Gettu betur-lið MÍ og starfsfólks. Fóru leikar þannig að lið starfsfólks fór með sigur af hólmi.
Gettu betur-lið MÍ er skipað þeim Jóni Karli Ngosanthiah Karlssyni, Sigurvalda Kára Björnssyni og Sögu Líf Ágústsdóttur. Lið starfsfólks var skipað þeim Orra Þórðarsyni, Rakel Brynjólfsdóttur og Sigurði Óskari Óskarssyni.
6 jan 2023
MÍ keppir þann 9. janúar við MH í 1. umferð Gettu betur. Viðureignin fer fram á Rás 2.
Í dag fór fram keppni þar sem við áttust Gettu betur-lið MÍ og starfsfólks. Fóru leikar þannig að lið starfsfólks fór með sigur af hólmi.
Gettu betur-lið MÍ er skipað þeim Jóni Karli Ngosanthiah Karlssyni, Sigurvalda Kára Björnssyni og Sögu Líf Ágústsdóttur. Lið starfsfólks var skipað þeim Orra Þórðarsyni, Rakel Brynjólfsdóttur og Sigurði Óskari Óskarssyni.
6 jan 2023
Skólastarf vorannar hófst í gær. Starfið hófst með stuttum upplýsingafundi í Gryfjunni og síðan var kennt skv. stundatöflu.
Töflubreytingar standa yfir til 10. janúar. 453 nemendur eru skráðir í nám við skólann á vorönn.
21 des 2022
Menntaskólinn á Ísafirði óskar nemendum, starfsfólki, foreldrum og forráðamönnum sem og öllum velunnurum skólans gleðilegrar jólahátíðar og þakkar fyrir góð samskipti á árinu.
21 des 2022
Þann 20. desember útskrifuðust 35 nemendum frá skólanum. Við óskum útskriftarnemum til hamingu með árangurinn og útskriftina.
Af útskriftarnemum var dagskólanemi, 19 dreifnámsnemendur og 15 nemendur í fjarnámi sem eru með Menntaskólann á Ísafirði sem heimaskóla.
4 nemendur útskrifuðust sem húsasmiðir, 3 af sjúkraliðabraut og 1 af sjúkraliðabrú, 11 nemendur af skipstjórnarbraut A
og 1 nemandi útskrifaðist af lista- og nýsköpunarbraut. 19 nemendur útskrifuðust með stúdentspróf, 2 af félagsvísindabraut, 6 af opinni stúdentsprófsbraut og 11 með stúdentspróf af fagbraut
