Þriðjudaginn 20. desember verða 35 nemendur brautskráðir af 9 námsbrautum. Brautskráningarathöfnin fer fram í Ísafjarðarkirkju og hefst kl. 15:00. Vestfjarðastofa Vestfjarða mun streyma frá athöfninni, hægt er að horfa hér.
Hluti af námi allra nemenda til stúdentsprófs er lokaverkefnisáfangi þar sem nemendur vinna að einu stóru verkefni að eigin vali. Í áfanganum þurfa nemendur að sýna sjálfstæði í vinnubrögðum, virkni og frumkvæði. Áfanganum er ætlað að skerpa undirbúning nemenda fyrir háskólanám, sérstaklega hvað varðar leikni og hæfni til að afla áreiðanlegra gagna, vinna úr þeim og koma niðurstöðum sínum á framfæri.
Nemendur í lokaverkefnisáfanganum þurfa að kynna verkefni sín í lokin. Í gær fór fram slík kynning og var gaman að sjá hversu fjölbreytileg verkefnin voru:
Verkefnið Vörumessa MÍ hefur fengið vilyrði fyrir styrk að upphæð 400 þúsund krónur úr Uppbyggingasjóði Vestfjarða. Alls bárust 103 umsóknir um styrk úr sjóðnum að þessu sinni og úthlutunarnefnd og fagráð sjóðsins ákváðu að veita 62 verkefnum styrk.
Vörumessa MÍ er kynning á verkefnum nemenda sem þau vinna í áfanganum Hugmyndir og nýsköpun og er vettvangur fyrir unga frumkvöðla, fyrirtæki og samfélagið að þróa nýjar hugmyndir og lausnir á Vestfjörðum. Áhersla er lögð á samstarf við fyrirtæki/ráðgjafa á svæðinu og sjálfstæða vinnu nemenda að nýsköpunarlausnum. Verkefnið undirbýr nemendur fyrir framtíðina og eykur færni þeirra til nýsköpunar, atvinnuþátttöku og atvinnusköpunar. Samstarfsaðilar MÍ í verkefninu eru
Þann 1. desember var opnuð sýning nemenda í áföngum á lista- og nýsköpunarbraut, í áföngunum hönnun, ljósmyndun og myndlist. Við opnunina bauðst gestum að skoða myndlistarstofuna þar sem sjá mátti verk í vinnslu. Á sýningunni má sjá lokaverkefni nemenda í hönnun á bókasafni skólans, en þau hafa unnið saman í litlum hópum að hönnunarverki. Ljósmyndanemar sýna rayogram myndir sem þau unnu í myrkraherbergi sem sett var upp að þeirra frumkvæði. Nemendur í myndlist sýna anatómíu teikningar og verk unnin út frá kenningunni litafræðinni split primary. Sýningin verður áfram opin i þessari viku milli kl. 8 og 16 og henni lýkur á fimmtudaginn. Meðfylgjandi eru nokkrar myndir af sýningunni.
Ásmundur Einar Daðason, mennta- og barnamálaráðherra, hefur skipað Heiðrúnu Tryggvadóttur í embætti skólameistara Menntaskólans á Ísafirði til fimm ára frá 1. janúar 2023.
Heiðrún lauk B.A.-prófi í íslensku og kennslufræði til kennsluréttinda árið 1997. Þá lauk hún M.Ed.-prófi í uppeldis- og menntunarfræði frá Háskóla Íslands árið 2015. Heiðrún stundar nú diplómanám í opinberri stjórnsýslu.
Heiðrún hefur starfað við menntamál frá árinu 1997 þar sem hún hefur kennt við ýmsa grunnskóla, verið verkefnastjóri hjá Háskólasetri Vestfjarða 2009–2010, kennt og sinnt námsefnisgerð hjá Fræðslumiðstöð Vestfjarða 2009–2013 og starfað við Menntaskólann á Ísafirði frá árinu 2015. Þann tíma hefur hún verið áfangastjóri og leyst af á tímabilum sem aðstoðarskólameistari. Þá hefur hún verið starfandi skólameistari Menntaskólans frá ársbyrjun 2022. Auk þess hefur Heiðrún sinnt ýmsum trúnaðarstörfum í gegnum árin.
Alls sóttu tveir umsækjendur um embættið.
Kennsla í Skipstjórn B hefst í janúar 2023.
Inntökuskilyrði í námið eru að nemendur hafi eða séu að ljúka Skipstjórnarnámi A.
Allar frekari upplýsingar um námið gefur Martha Kristín áfanga- og fjarnámsstjóri.
Fyrirhugað er að hefja kennslu á matartæknibraut í janúar 2023 ef næg þátttaka fæst.
Kennari verður Halldór Karl Valsson, matreiðslumeistari og framhaldsskólakennari.
Kennsla fer fram í dreifnámi í húsnæði Menntaskólans á Ísafirði.
Áhugasömum bent á að hafa samband við Mörthu Kristínu áfanga- og fjarnámsstjóra.
Mennta- og barnamálaráðherra Ásmundur Einar Daðason kom í heimsókn til okkar í MÍ í gær ásamt starfsfólki mennta- og barnamálaráðuneytis, þeim Gylfa Arnbjörnssyni, Sigurlaugu Ýr Gísladóttur og Hrafnkatli Tuma Kolbeinssyni. Þau þrjú mynda starfshóp um húsnæðismál framhaldsskóla og Hrafnkell Tumi er jafnframt tengiliður skólans í mennta- og barnamálaráðuneytinu. Það var bæði gott og gagnlegt að fá Ásmund Einar og hans fólk í heimsókn. Stjórnendur og starfsfólk MÍ ásamt hluta skólanefndar áttu gott samtal við þau um ýmis mikilvæg verkefni sem vinna þarf á næstu vikum og mánuðum. Þar bar hæst bygging nýs verknámshúss við skólann sem lengi hefur verið beðið eftir. Gott vilyrði fékkst frá ráðherra um framgang þess máls. Farið var í skoðunarferð um húsakynni skólans, aðstaða skoðuð og spjallað við kennara og nemendur. Kærar þakkir fyrir komuna.
Nú er hafin innritun í nám á vorönn. Innritun í nám á vorönn stendur yfir frá 1. nóvember - 30. nóvember og fer fram í gegnum Menntagátt. Hægt er að sækja um nám í gegnum Menntagátt hér.
Innritun í fjarnám stendur yfir frá 1. nóvember til 4. janúar 2023. Innritunin fer fram í gegnum INNU og með því að smella hér má finna frekari upplýsingar um fjarnámið og tengil beint á umsóknarvefinn.
Frekari upplýsingar um innritun gefur Martha Kristín Pálmadóttir áfanga- og fjarnámsstjóri, fjarnam@misa.is
Við fengum góða gesti í skólann í vikunni þegar þær Elina Kollanus og Sari Rehell frá framhaldsskólanum Omnia í Espoo í Finnlandi komu í heimsókn. Þær voru í undirbúningsheimsókn vegna væntanlegs Erasmus+ samstarf svið okkur í Menntaskólanum á Ísafirði en hluti starfsfólks skólans fór í kynnisferði til Omnia síðastliðið vor. Við væntum góðs af samstarfi við Omnia skólann á næstu misserum en skólinn er mjög stór og vel búinn starfs- og verknámsskóli. Mikil tækifæri felast í því fyrir nemendur okkar að geta farið þangað til lengri eða styttri dvalar í starfsnámi eða nemendaskiptum. Nokkrar myndir frá heimsókn þeirra Elinu og Sari fylgja hér með.
