Fréttir

2 feb 2023
  • Martha Kristín Pálmadóttir

Gul viðvörun

Gul viðvörun er í gangi fimmtudaginn 2. febrúar frá kl. 9:00. Kennsla samkvæmt stundaskrá en hverjum alla til að fylgjast vel með færð og veðri.

31 jan 2023
  • Martha Kristín Pálmadóttir

Gul viðvörun til kl. 10:00 í dag

Gul viðvörun er til kl. 10:00 í dag. Kennsla hefst samkvæmt stundaskrá kl. 9:00 en við en hvetjum alla til að fylgjast vel með veðri og færð. Forföll tilkynnast skrifstofu skólans á netfangið misa@misa.is. Forfallist einhverjir vegna ófærðar, skulu þeir sinna námi sínu og vinnu áfram í gegnum Moodle.

26 jan 2023
  • Martha Kristín Pálmadóttir

Sólarkaffi

Löng hefð er fyrir sólarkaffi innan Menntaskólans á Ísafirði. Útskriftarferðarfarar skólans buðu upp á sólarpönnukökur og fleira meðlæti í Gryfjunni í dag, 26. janúar. 

25. janúar er hinn eiginlegi sólardagur Ísfirðinga en sólardagur er miðaður við þann dag er sól sleikir Sólgötu við Eyrartún (ef veður leyfir) eftir langa vetursetu handan fjalla. Á Ísafirði hvefur sólin á bak við fjöll seint í nóvember og birtist aftur í lok janúar. Í meira en 100 ár hafa Ísfirðingar fagnað komu sólar með því að drekka sólarkaffi og gæða sér á pönnukökum. 

Við bjóðum sólina velkomna aftur í bæinn. 

25 jan 2023
  • Martha Kristín Pálmadóttir

Stöðupróf í tælensku

Stöðupróf í tælensku verður haldið í Menntaskólanum á Ísafirði mánudaginn 13. febrúar kl. 15:00.

Skráning fer fram á heimasíðu skólans, www.misa.is, ekki síðar en 11. febrúar.

Prófgjald er 15.000,- kr., gefinn verður út reikningur í heimabanka.

Skráning hér

 

10 jan 2023
  • Heiðrún Tryggvadóttir

Samningur um nýtt nám

Þann 6. janúar skrifaði Menntaskólinn á Ísafirði undir samstarfssamning við fiskeldisfyrirtækin ArcticFish, Arnarlax og Háafell um framhaldsskólanám í fiskeldi í samstarfi við Vestfjarðastofu.
 
Á Vestfjörðum, eins og víðar um landið, er fiskeldið sem atvinnugrein í miklum vexti og mikill skortur á menntuðu starfsfólki. Ný námsbraut sem verður leidd af Menntaskólanum á Ísafirði ber yfirskriftina „hafið, umhverfið og auðlindir.“ Brautin mun samanstanda af stúdentsbraut með staðgóðri þekkingu á umhverfinu, auðlindum hafsins og fiskeldi og innan brautarinnar er eins árs nám sem kennir grunnþætti til starfa í fiskeldi.
 
Sjá frétt frá Vestfjarðastofu um samninginn https://www.vestfirdir.is/.../menntaskolinn-a-isafirdi...
9 jan 2023
  • Heiðrún Tryggvadóttir

MÍ mætir MH í Gettu betur

MÍ keppir í kvöld í fyrstu umferð Gettu betur. Lið MÍ keppir við MH kl. 20:20 og verður keppnin í beinu vefstreymi á RÚV.is. Við óskum Jóni Karli, Sigurvalda og Sögu góðs gengis. ÁFRAM MÍ!

6 jan 2023
  • Heiðrún Tryggvadóttir

MÍ keppir í Gettu betur á mánudaginn

MÍ keppir þann 9. janúar við MH í 1. umferð Gettu betur. Viðureignin fer fram á Rás 2.
 
Í dag fór fram keppni þar sem við áttust Gettu betur-lið MÍ og starfsfólks. Fóru leikar þannig að lið starfsfólks fór með sigur af hólmi.
 
Gettu betur-lið MÍ er skipað þeim Jóni Karli Ngosanthiah Karlssyni, Sigurvalda Kára Björnssyni og Sögu Líf Ágústsdóttur. Lið starfsfólks var skipað þeim Orra Þórðarsyni, Rakel Brynjólfsdóttur og Sigurði Óskari Óskarssyni.
6 jan 2023
  • Heiðrún Tryggvadóttir

MÍ keppir í Gettu betur á mánudaginn

MÍ keppir þann 9. janúar við MH í 1. umferð Gettu betur. Viðureignin fer fram á Rás 2.
 
Í dag fór fram keppni þar sem við áttust Gettu betur-lið MÍ og starfsfólks. Fóru leikar þannig að lið starfsfólks fór með sigur af hólmi.
 
Gettu betur-lið MÍ er skipað þeim Jóni Karli Ngosanthiah Karlssyni, Sigurvalda Kára Björnssyni og Sögu Líf Ágústsdóttur. Lið starfsfólks var skipað þeim Orra Þórðarsyni, Rakel Brynjólfsdóttur og Sigurði Óskari Óskarssyni.
6 jan 2023
  • Heiðrún Tryggvadóttir

Skólastarf hafið á vorönn

Skólastarf vorannar hófst í gær. Starfið hófst með stuttum upplýsingafundi í Gryfjunni og síðan var kennt skv. stundatöflu. 

Töflubreytingar standa yfir til 10. janúar. 453 nemendur eru skráðir í nám við skólann á vorönn.