Frestur til að skrá sig í smiðjur á Gróskudögum rennur út í dag kl. 10.30. Þeir nemendur sem eiga eftir að velja eru hvattir til að gera það hið fyrsta. Munið að velja að lágmarki eina smiðju í aðalval og eina í varaval á hverjum Gróskudegi.

Leikfélag Menntaskólans á Ísafirði frumsýndi  leikritið Þrek og tár eftir Ólaf Hauk Símonarson föstudagskvöldið 1. mars í Edinborgarhúsinu. Leikfélagið hefur verið við æfingar frá því í byrjun janúar og er mikið lagt í sýninguna en um 50 manns koma að henni. Halldóra Björnsdóttir er leikstjóri verksins og tekst henni afar vel að ná fram því besta hjá leikurum. Leikverkið gerir afdráttarlausar kröfur til tónlistarhæfileika til þorra leikara. Leikendur standast þær kröfur fyllilega og ekki síst hljómsveitin sem náði þessum angurværa tón sem var svo einkennandi fyrir þetta tímabil. Leikhópurinn í heild nær vel að skila fallegri og áhrifamikilli mannlífsmynd. Sýningin í heild er afskaplega skemmtileg og góð. Til hamingju með stórglæsilega sýningu.

 

Tvær sýningar eru nú eftir af sex. Sú fyrri verður kl. 20 í kvöld en einnig hefur verið bætt við miðnætursýningu sem hefst kl. 23. Hægt er að panta miða í síma 450 5555.

 

Jón Reynir Sigurvinsson

skólameistari

 

Dagskár Sólrisuhátíðar er að vanda metnaðarfull. Hún er birt í heild sinni í skólablaðinu sem nú ætti að vera komið í hvert hús hér á svæðinu. Einnig má sjá hana hér fyrir neðan. Dagskráin er birt með fyrirvara um breytingar en eins og veðurútlið er fyrir vikuna er viðbúið að hún raskist eitthvað. Við því mun þó Sólrisunefnd og stjórn NMÍ bregðast eins og hægt er.
Gleðilega Sólrisu!

Sólrisuhátíðin 2013 verður sett í dag og hefst setningarathöfnin á skrúðgöngu frá skólanum kl. 12.30. Gengið verður í Edinborgarhúsið en þar verða skemmtiatriði í boði og einnig kökur og djús eins og hefð er fyrir. Dagskrá hátíðarinnar verður kynnt og fyrsta stóra atriðið er auðvitað frumsýning leikritsins Þrek og tár eftir Ólaf Hauk Símonarson, í leikstjórn Halldóru Rósu Björnsdóttur. Góða skemmtun!

Minnt er á hugmyndaboxið fyrir Gróskudaga. Hægt er að skila hugmyndum til og með 22. febrúar. Einnig er hægt að senda tillögur í tölvupósti á netfangið hildur@misa.is

 

Athygli er vakin á því að áætlun um viðbrögð við einelti í skólanum er nú aðgengileg hér á síðunni. Ef smellt er á viðbrögð við einelti hér til hægri opnast síða þar sem farið er í gegnum viðbragsáætlunina. Einnig er þar eyðublað þar sem hægt er að tilkynna einelti eða grun um einelti til stjórnenda skólans.

Þann 4. janúar síðastliðinn var nýsköpunarsmiðjan (Fab-Lab) sem staðsett er í húsnæði MÍ opnuð með viðhöfn. Smiðjunni var gefið nafnið Guðmundarsmiðja til heiðurs Guðmundi Þór Kristjánssyni vélstjórnarkennara við Menntaskólann á Ísafirði. Guðmundur var frumkvöðull að stofnun nýsköpunarsmiðju á Ísafirði, en hann lést árið 2010 langt fyrir aldur fram. Sonur Guðmundar heitins, Þórir Guðmundsson, afhjúpaði minningarskjöld um Guðmund ásamt Jóni Reyni skólameistara. Meira er hægt að lesa um opnun smiðjunnar á heimasíðu bb.is.

Nemendur yngri en 18 ára eru minntir á umsjónartímann í fundartímanum á fimmtudaginn.

Stafræna smiðjan sem nefnd er Fab-lab og staðsett er í Menntaskólanum á Ísafirðir er nú komin á góðan skrið. Smiðjan verður formlega opnuð í dag föstudaginn 4. janúar, klukkan 13. Dagskráin hefst með ávarpi Mennta- og menningarmálaráðherra á sal Menntaskólans og lýkur svo með formlegri opnun í smiðjunni sjálfri. Boðið verður upp á kaffiveitingar í mötuneyti skólans.  Allir velkomnir!