Forseti Íslands, Ólafur Ragnar Grímson heimsótti skólann á dögunum. Í fylgd með forsetanum voru forsetaritari og fulltrúar frá samtökum iðnaðarnins. Forsetinn og fylgdarlið skoðuðu skólann og heilsuðu m.a. upp á nemendur í tréiðngreinum og málmiðngreinum. Tilgangur heimsaóknarinnar var fyrst og fremst að ræða við nemendur og starfsfólk um tengsl náms og atvinnulífs og þau fjölbreyttu störf sem standa til boða í hinum ýmsu greinum iðnaðar. Nemendum var einnig sýnt myndband sem fjallar um nýsköpun og tækifæri í iðnaði. Forsetinn ávarpaði nemendur og vakti meðal annars athygli á mikilvægi verknáms og að skil á milli þess og bóknáms væru of mikil. Gestirnir lýstu ánægju sinni með það gróskumikla starf sem fram fer í skólanum og þau miklu og góðu tengsl sem skólinn hefur við atvinnulíf og fyrirtæki í bænum. Myndir frá heimsókninni eru komnar innn á myndasíðuna.

Skólafundur verður haldinn á sal í fundartíma 3. nóvember.

Dagskrá skólafundar:

• Skólameistari ræðir um skólastarfið almennt. Kynnir markmið og stefnu skólans ásamt sérstökum umbótum sem framkvæmdar hafa verið að undanförnu ásamt ýmsum öðrum sem eru í undirbúningi.
• Stjórn nemendafélagsins kynnir það helsta sem framundan er hjá nemendafélaginu.
• Félagsmálafulltrúi kynnir niðurstöður vinnuhópa um verkefnið Heilsueflandi framhaldsskóli.

Undir hverjum lið er gert ráð fyrir umræðum og mun Hildur aðstoðarskólameistari að stýra þeim og skipa fundarritara.

Á fundinum verður boðið upp á tvær tegundir af bústi frá Lúlú. 

Innritun fyrir komandi vorönn stendur nú yfir og lýkur 22. nóvember n.k. Sótt er um skólavist á menntagátt. Þar og á facebook síðu innritunar eru upplýsingar um rafræna innritun. Á heimasíðu skólans má finna upplýsingar um námsframboð á vorönn. Velkomin í Menntaskólann á Ísafirði.

Fimmtudaginn 27. október eiga nemendur að hitta umsjónarkennara sína í fundartíma og velja sér áfanga fyrir komandi vorönn. Nemendur velja í gegnum INNU og leiðbeiningar um það hvernig á að velja er að finna hér fyrir neðan. Mikilvægt er að nemendur fylgi framvindu sinna brauta. Leiðbeiningar fyrir verknám og bóknám og upplýsingar um það hvaða áfangar eru í boði eru hér fyrir neðan.

Leiðbeiningar um val í INNU
Framvinda verknáms
Framvinda bóknáms
Bóknámsáfangar í boði

Eins og flestir vita er MÍ heilsueflandi framhaldsskóli. Á þessu skólaári einbeitum við okkur að næringunni. Í tilefni af því hefur verið ákveðið að bjóða nemendum og starfsfólki að kaupa boost í mötuneytinu. Í boði verða fjórar bragðtegundir og þarf að leggja inn pöntun daginn áður. Boostið er svo afhent kl. 10:00 í mötuneytinu. Nánari upplýsingar um verð, bragð og fyrirkomulag er að finna hér.

Próftafla haustannar 2011 var samþykkt í skólaráði þann 18. október s.l. Próftöfluna í heild sinni má skoða hér en einstaklingstöflur eru einnig aðgengilegar í INNU.

Hinn árlegi kappróður fór fram á Pollinum í dag í blíðskapar veðri. Keppt var á sjókayökum líkt og í fyrra, en þetta er í 11. sinn sem keppnin fer fram. Að þessu sinni mættu 9 lið til leiks og er það einu liði fleira en í fyrra. Úrslitin urðu þau að lið kennara sigraði á tímanum 4:56:46. Í öðru sæti var kvennalið skipað þeim Thelmu Rut Jóhannsdóttur, Lydíu Sigurðardóttur og Natalíu Sigurðardóttur. Lið stjórnar NMÍ var í þriðja sæti, rétt á undan liði dönsku gestanemndanna. Besta tíma náði Rúnar Helgi Haraldsson, 1:36:19 en næstbesta tímann átti Martha Þorsteinsdóttir, 1:38:45. Heildarúrslitin er að finna hér. Fleiri myndir eru komnar inn undir MYNDIR hér til vinstri á síðunni.

Við anddyri skólans er að finna kassa með ýmsum bókum sem  nemendum er frjálst að taka og lesa.

Það má skila bókinni aftur í kassann eða koma henni áfram á næsta mann.  Á næstu vikum munu bókakassar verða settir upp á fleiri stöðum innan skólans.

Hugmyndin er fengið frá Háskólanum á Akureyri sem í tilefni alþjóðadags læsis  ( 8. september) hefur komið bókakössum víðs vegar um Akureyri sem í eru bækur, sem fólk á öllum aldri getur tekið heim með sér.  Að lestri loknum er bókinni komið fyrir í sambærilegum bókakassa eða á stað sem er aðgengilegur öðrum.  Hver bók er merkt með límmiða þar sem á stendur Bók í mannhafið.

 

Þessa stórsniðugu hugmund má síðan rekja til fram taksins bookcrossing ( www.bookcrossing.com) þar sem m.a. er hægt að fylgjast með ferðalagi hverrar bókar um heiminn.

 

Bókavörður MÍ

 

 

 

 

Hin árvissa nýnemaferð var farin í Dýrafjörð og Arnarfjörð dagana 1. og 2. september s.l. Nýnemar og umsjónarkennarar byrjuðu ferðina á heimsókn í safn Jóns Sigurðssonar á Hrafnseyri í Arnarfirði, undir leiðsögn staðarhaldara Valdimars Halldórssonar. Síðan var ekið að Núpi í Dýrafirði þar sem gist var um nóttina. Nýnemar fengu fræðslu og leiðsögn um Núpsskóla og garðinn Skrúð. Haldin var kvöldvaka og stjórn NMÍ mætti til að kynna félagslíf skólans fyrir nýnemum. Daginn eftir var ratleikur og svo var haldið til baka um hádegisbilið. Meðfylgjandi myndir eru úr ferðinni og fleiri myndir eru á myndasíðunni hér til vinstri.

Skólinn var settur við hátíðlega athöfn þann 22. ágúst s.l. að viðstöddu fjölmenni. Skólameistari flutti skýrslu og ávarpaði nemendur. Freyja Rein Grétarsdóttir nýnemi lék á píanó, Bátssönginn eftir Felix Mendelsohn. Að vanda sungu allir viðstaddir saman Ísland ögrum skorið, lag Sigvalda Kaldalóns við ljóð Eggerts Ólafssonar. Hulda Bragadóttir lék undir á píanó. Myndir af setningarathöfninni er að finna á myndasíðunni hér til vinstri.