Páskaleyfi hefst að lokinni kennslu 30. mars. Skólastarf hefst að nýju kl. 8 miðvikudaginn 11. apríl. Gleðilega páska!

Þeir nemendur sem eiga enn eftir að velja sér áfanga fyrir haustönn þurfa að panta tíma hjá námsráðgjafa til að ganga frá valinu. Mikilvægt er að nemendur geri þetta sem fyrst til að komast í þá áfanga sem þeir helst óska.

Í fundartíma 22. mars er umsjónartími. Nemendur fara þá til umsjónarkennara og velja áfanga fyrir haustönn. Mikilvægt er að velja áfanga sem allra fyrst og í síðasta lagi mánudaginn 26. mars. Eftir þann dag munuð þið aðeins geta valið áfanga hjá námsráðgjöfum eða áfangastjóra. Athugið vel að í suma áfanga kemst aðeins takmarkaður fjöldi nemenda þannig að mikilvægt er að velja þá sem fyrst. Ef þið dragið það að velja er alls ekki víst að þið komist í þá áfanga sem þið helst óskið. Hér fyrir neðan eru ýmsar upplýsingar sem eiga að auðvelda ykkur að velja þá áfanga sem þið þurfið.

Hér eru bóknáms- og íþróttaáfangar í boði og leiðbeiningar fyrir nemendur á 1. og 2. ári í bóknámi. Hér eru verknámsáfangar í boði.

Í haust verða ýmsir valáfangar í boði. Hér eru nánari lýsingar á nokkrum þeirra.

Leiðbeiningar vegna vals í INNU eru hér

Nemendur frá MÍ tóku þátt í Íslandsmóti iðn- og verkgreina sem haldið var í Háskólanum í Reykjavík dagana 9. og 10. mars s.l.   Keppendur frá MÍ voru fjórir, Brynjar Örn Þorbjörnsson, Óskar Þór Þórisson og Smára Karvel Guðmundsson í málmsuðu og Daníel Frey Jónsson í trésmíði.  Keppendur stóðu sig allir með prýði. Alls fóru 15 nemendur suður, ásamt tveimur kennurum, þeim Tryggva Sigtryggssyni málmsmíðakennara og Þresti Jóhannessyni trésmíðakennara. Ásamt því að styðja keppendur og skoða aðrar keppnisgreinar var farið í heimsókn í Borgarholtsskóla og Tækniskólann. Einnig voru heimsótt nokkur iðnfyrirtæki á höfuðborgarsvæðinu. Nemendur þakka fyrir góðan stuðning fyrirtækja í heimabyggð.  Myndir og fréttir frá keppninni má sjá á facebook síðu keppninnar.  

 http://www.facebook.com/pages/Verki%C3%B0n/360150677329809

Nemendur Menntaskólans á Ísafirði í leiðbeinenda/þjálfaranámi ÍSÍ við skólann hafa verið við æfingakennslu í íþróttaskóla HSV að undanförnu. Í tengslum við áfangann var haldið málþing miðvikudaginn 15. febrúar um mikilvægi íþróttastarfs fyrir börn og ungmenni og þátttöku foreldra í því starfi.  Einnig var fjallað um markmið og stefnu íþróttafélaga í íþróttum barna, um fyrirmynd og hlutverk þjálfarans og skipulag íþróttamóta fyrir börn og ungmenni. Þátttakendur voru um 50 talsins. Í hópstarfi sem fram fór eftir fyrirlestrana var sérstök áhersla lögð á að megintilgangur íþróttaæfinga fyrir börn væri að efla alhliða þroska þeirra með áherslu á félagsþroska og hreyfiþroska. Að börnin fái að kynnast sem flestum íþróttagreinum, fjölbreytni sé í fyrirrúmi, hvatning, gleði og gaman ætíð við völd. Hóparnir ræddu einnig um hlutverk foreldra í samstarfi við íþróttafélögin og um stefnu hreyfingarinnar gagnvart íþróttum barna til 10 ára aldurs.

Meira

Þá er Sólrisuhátíð 2012 lokið og hefðbundið skólastarf hafið að nýju. Eitt af síðust atriðunum á hátíðinni var undankeppnin fyrir söngkeppni framhaldsskólanna sem fer fram í Reykjavík síðar í þessum mánuði. Keppnin fór fram í Félagsheimilinu í Hnífsdal s.l. föstudagskvöld og tóku ekki færri en 15 atriði þátt að þessu sinni. Dómnefndin átti úr vöndu að ráða en þegar úrslitin voru kynnt kom í ljós að Ástrós Þóra Valdsóttir hafði hreppt fyrsta sætið. Hún fer því fyrir hönd NMÍ á lokakeppnina í Reykjavík og fylgja henni hamingjuóskir fyrir frammistöðuna og ósk um gott gengi. Myndir frá keppninni eru aðgengilegar á facebook síðu skólans, en þær tók Matthildur Helgadóttir Jónudóttir.

Nú standa Gróskudagar sem hæst og margar smiðjur hafa verið í gangi. Nemendur sem völdu sér blaðaútgáfu hafa gefið út kynningarrit um Gróskudagana og þetta rit er hægt að skoða hér.

Föstudaginn 2. mars frumsýndi leikfélag MÍ söngleikinn Grease í Félagsheimilinu í Hnífsdal undir leikstjórn Halldóru Rósu Björnsdóttur, leikara og leikstjóra. Það stefnir í metaðsókn á söngleikinn á þessari 38. Sólrisuhátíð MÍ.  Leikarar eru 33 og að auki er 6 manna hljómsveit . Það sem einkenndi sýninguna var krafturinn, gleðin og æskufjörið og virkilega góðar söngraddir.  Strákarnir allir sýndu frábæran leik, bæði með söng og dansi sem var á köflum með miklum tilþrifum og kraftmikill. Magnús Traustson var virkilega góður í hlutverki Danny enda með mikla sönghæfileika. Þá voru stúlkurnar ekki síðri og sýndi Sunna Karen enn einu sinni mikla leik- og sönghæfileika í hlutverki englastelpunnar Sandy. Þá vakti frábær leikur Helgu Þuríðar Hlynsdóttur í hlutverki Rizzo athygli. Það sem einkenndi sýninguna var hve allir sem fram komu skiluðu sínum hlutverkum vel.

Að baki  liggur mikil vinna allra aðstandenda sýningarinnar. Tréiðndeildin sá um að smíða palla og tröppur. Háriðndeildin sá um förðun. Á sviðinu er raunveruleg bifreið sem nemendur í málmið og vélstjórn sáu um að útbúa þannig að auðvelt væri að færa hann til og sjá til þess að hann bryti ekki leikfjalirnar. Hljóðkerfi skólans kom sér vel og eins og áður sá Hermann Siegle um tæknihliðina ásamt fjölmörgum aðstoðarmönnum. Leikfélag Menntaskólans á Ísafirði hefur einnig jafnan notið velvildar og aðstoðar fjölmargra aðila utan skólans sem innan.

Ég vil nota þetta tækifæri og þakka þessum aðilum sem og öllum þeim sem styrkt hafa sýninguna með einum eða öðrum hætti. Nemendahópnum sjálfum og leikstjóra óska ég til hamingju með stórglæsilega sýningu.

 

Jón Reynir Sigurvinsson

skólameistari

Dagskrá Sólrisuhátíðar er fjölbreytt að vanda. Dagskrána í heild sinni má finna á feisbúkk síðu hátíðarinnar. Góða skemmtun!

Þann 7.-9. mars verða Gróskudagar í skólanum. Nemendur taka þá þátt í smiðjum að eigin vali og er fjölbreytt úrval af smiðjum í boði að þessu sinni. Það er búið að opna fyrir val í smiðjur og er nemendur hvattir til að velja sem fyrst. Athugið að takmarkaður fjöldi nemenda kemst að í sumar smiðjur - fyrstur velur, fyrstur fær! Hver nemandi þarf að velja að lágmarki 6 smiðjur en athugið þó að smiðjurnar standa mislengi. Smellið hér til að velja ykkur smiðjur.