15 nóv 2019

Frá Vísindadögum 2019

Vísindadagar 2019 voru haldnir 13. og 14. nóvember s.l. Í stað hefðbundinnar kennslu þess daga var fjölbreytt dagskrá í boði. Nemendur kynntu ýmis verkefni sem þeir hafa verið að fást við á önninn, fyrir samnemendum og starfsfólki skólans. Einnig komu góðir gestir í skólann frá rannsóknarsamfélagi Vestfjarða og kynntu rannsóknir og vísindastörf af ýmsum toga. Þátttaka nemenda var mjög góð og skemmtilegt og fræðandi var að fylgjast með kynningum nemenda sem og með kynningum frá rannsóknarsamfélaginu. Í lok Vísindadaga voru veitt verðlaun fyrir áhugaverðar kynningingar og vísindagetraun. Vísindadaganefnd sem skipuð var kennurunum Einari Þór, Júliu og Jóhanni fær kærar þakkir fyrir góðan undirbúning. Einnig er þátttakendum frá rannsóknarsamfélagi Vestfjarða þakkað kærlega fyrir sitt framlag og vonandi mun samstarf halda áfram við skólann á þessum vettvangi. Síðast en ekki síst fá allir nemendur skólans kærar þakkir fyrir góða og virka þátttöku í Vísindadögum.

12 nóv 2019

Vísindadagar

Á miðvikudaginn 13. og fimmtudaginn 14. nóvember eru Vísindadagar í MÍ en þá fellur hefðbundin kennsla niður og nemendur kynna margvísleg verkefni fyrir samnemendum sínum og starfsfólki. Að þessu sinni verða einnig fjölbreyttar kynningar frá rannsóknarsamfélagi Vestfjarða. Dagskráin hefst með setningu kl. 8.10 í Gryfju á morgun, miðvikudag og eins og sjá má hér er dagskráin metnaðarfull og margt áhugavert í boði. Ávextir verða í boði í löngu frímínútum og skúffukaka við lokaathöfn. Á lokaathöfn verða verðlaun veitt fyrir kynningar, en einnig fyrir vísindagetraun sem verður í gangi á meðan á kynningum stendur.

Góða skemmtun!

12 nóv 2019

Vísindadagar

Á miðvikudaginn 13. og fimmtudaginn 14. nóvember eru Vísindadagar í MÍ en þá fellur hefðbundin kennsla niður og nemendur kynna margvísleg verkefni fyrir samnemendum sínum og starfsfólki. Að þessu sinni verða einnig fjölbreyttar kynningar frá rannsóknarsamfélagi Vestfjarða. Dagskráin hefst með setningu kl. 8.10 í Gryfju á morgun, miðvikudag og eins og sjá má er dagskráin metnaðarfull og fjölbreytt. Ávextir verða í boði í löngu frímínútum og skúffukaka við lokaathöfn. Á lokaathöfn verða verðlaun veitt fyrir kynningar, en einnig fyrir vísindagetraun sem verður í gangi á meðan á kynningum stendur.

Góða skemmtun!

7 nóv 2019

Lotumat 2

Seinna lotumat haustannar 2019 er nú aðgengilegt á upplýsingavef framhaldsskóla, INNU, www.inna.is

Nemendur Menntaskólans á Ísafirði fá lotumat tvisvar á önn. Með matinu vill skólinn upplýsa bæði nemendur og foreldra/forráðamenn um stöðu og gengi nemenda í einstökum fögum. Lotumatið felst í því að kennari nemenda í hverri grein metur stöðu nemenda sinna. Eru nemendur metnir á grundvelli þess hversu vel þeir hafa sinnt náminu sem og ástundun og mætingu. Í matinu felast þannig ábendingar til nemenda og foreldra/forráðamanna um hvað vel er unnið og hvar nauðsynlegt er að gera betur.

 Lotumatinu er skipt í fjórar einkunnir sem gefnar eru í bókstöfum. Námsmatið er samræmt og eru gefnar einkunnir fyrir árangur í hverri grein:

 

Einkunn

Mat

A

Ágætt

Nám í afar góðum farvegi, nemandi hefur staðið sig vel bæði í verkefnum og á prófum.
G

Gott

Nám í góðum farvegi, nemandi hefur  staðið sig þokkalega bæði í verkefnum og á prófum.
S

Sæmilegt

Nemandi þarf að bæta námsvinnu.
O

Óviðunandi

Námsvinnu verulega ábótavant og stefnir í óefni.

 

Umsjónarkennarar nýnema ræða við alla sína umsjónarnemendur eftir lotumatið. Nemendur sem koma ekki vel út úr matinu eru kallaðir í viðtal við náms- og starfsráðgjafa.

23 okt 2019

Valtímabil fyrir vorönn 2020 stendur yfir

Nú stendur yfir valtímabil fyrir vorönn 2020 sem lýkur þann 30. október n.k. Með því að smella HÉR geturðu kynnt þér allt um valið en valið sjálft fer fram í gegnum INNU.

Allir nemendur í dagskóla sem ætla að halda áfram námi þurfa að velja áfanga fyrir næstu önn. Ekkert val þýðir engin stundatafla! Fjarnemendur sem ætla að halda áfram fjarnámi við skólann og borga fyrir fjarnámið geta líka valið áfanga.

Kynning á valinu verður í boði í fyrirlestrarsalnum, stofu 17, í upphafi fundartíma fimmtudaginn 24. október og í framhaldi verður boðið upp á aðstoð við valið. Nýnemar geta fengið aðstoð við valið í NÁSS1NN03 auk þess sem umsjónarkennarar geta aðstoðað. Allir nemendur geta auk þess fengið aðstoð við valið hjá áfangastjóra eða náms- og starfsráðgjafa. Hægt er að panta tíma hjá ritara.

Væntanleg útskriftarefni sem ætla að útskrifast í maí 2020 þurfa að panta tíma hjá áfangastjóra eða náms- og starfsráðgjafa til að fara yfir valið.

Dagskólanemendur sem ætla ekki að vera við nám á haustönn þurfa að láta áfangastjóra vita (heidrun@misa.is)

3 okt 2019

Kappróður 2019

Hin árlega róðrarkeppni MÍ var haldin á Pollinum í dag. Sex lið voru skráð til keppni og var hörð keppni um fysta sætið. Úrslitin urðu þau að karlalið starfsmanna MÍ náði bestum tíma og kom í mark á tímanum 01:01.12. Í öðru sæti var lið foreldra á tímanum 01:04.46 og í þriðja sæti var sigurliðið frá því í fyrra, Georg og félagar, á tímanum 01:06.86. Tími næstu liða var sem hér segir: Kvennarar 01.11:56, King Kong 01:14.91 og 01:21.46. Öll liðin fá kærar þakkir fyrir þátttökuna og sigurvegurum er óskað til hamingju með sigurinn. 

13 sep 2019

Litagleði á lista- og nýsköpunarbraut

Þessa dagana eru nemendur í áfanganum Textílvinna, hönnun og sköpun að vinna með náttúrulega liti. Meðal annars prófa nemendur sig áfram með ávexti, ber og blóm og ýmis matvæli. Þannig kynnast nemendur möguleikum á að minnka matarsóun. Einnig er unnið með japanska litunartækni sem heitir Shiboro og í henni felst sérstök munsturtækni. Eins og sjá má á meðfylgjandi myndum er litagleðin alls ráðandi og í harðri samkeppni við haustlitina sem núna setja svip sitt á Skutulsfjörðinn.

23 ágú 2019

Vel heppnuð nýnemaferð að baki

Löng hefð er fyrir því að nýnemar hefji skólagönguna á nýnemaferð að Núpi í Dýrafirði. 40 nýnemar hófu nám við Menntaskólann á Ísafirði í vikunni og fór stærstur hluti þeirra í ferðina ásamt starfsmönnunum Emil Inga Emilssyni, Halldóri Karli Valssyni, Júlíu Björnsdóttur, Kolbrúnu Fjólu Arnarsdóttur og Stellu Hjaltadóttur.

Ferðin í ár heppnaðist vel í alla staði og veðrið lék við hópinn. Ferðin hófst á gönguferð en gengið var að eyðibýlinu Arnarnesi við utanverðan Dýrafjörð. Ýmislegt fleira var á dagskránni eins og kynnisferð um gamla skólann á Núpi, heimsókn í Skrúð, ratleikur og kvöldvaka þar sem stjórn NMÍ kynnti félagsstarfið í vetur.

Við bjóðum nýnema ársins 2019 velkomna í skólann.

19 ágú 2019

Mötuneytið

Mötuneyti skólans er opið frá og með 19. ágúst. Í mötuneytinu er í boði heitur matur ásamt veglegum salatbar. Einnig er í boði súpa, grautur eða skyr ásamt nýbökuðu brauði. Matseðill hverrar viku er birtur á heimasíðu skólans á hverjum mánudegi.

Verð fyrir matarmiða eða mataráskrift haustönn 2019 er sem hér segir:

  • Annarkort kr. 65.000 -  81 máltíð á tímabilinu 19.08. - 13.12.
  • Ekki er matur 26.09.   18.10.   21.10  og  06.11.
  • Hægt er að skipta greiðslu í fjóra hluta
  • Tíu máltíða kort kr. 8.500
  • Stök máltíð kr. 1.000

Velkomin í mötuneytið og verði ykkur að góðu!