Lið MÍ mætir liði Fjölbrautaskóla Suðurnesja í undanúrslitaviðureign MORFÍS. Keppnin verður haldin á sal skólans á föstudagskvöld 20. mars og hefst kl. 20:30. Í liði MÍ eru Gunnar Atli Gunnarsson, Daði Már Guðmundsson og Gunnlaugur Gunnlaugsson. Liðsstjóri er María Rut Kristinsdóttir. Umræðuefni keppninnar er "Má gera grín að öllu?" og mæla MÍ-ingar með. Liðið er nú komið jafnlangt í keppninni og í fyrra og er þetta í þriðja sinn frá upphafi sem lið MÍ kemst í undanúrslit.

Í tilefni af forvarnardeginum munu góðir gestir heimsækja skólann. Héðinn Björnsson frá Lýðheilsustöð og Martha Ernstsdóttir jógakennari á Ísafirði munu ræða við nemendur í fundartímanum. Nemendur eru hvattir til að nýta sér þetta góða tækifæri til að fræðast um heilsusamlegt líferni.

Um helgina fór fram undankeppni fyrir söngkeppni framhaldsskólanna. Þeir Halldór Smárason og Daði Már Guðmundsson báru sigur úr býtum með lagi Baggalútanna Kósýkvöld. Þeir félagar munu því keppa fyrir hönd MÍ á Akureyri þann 4. apríl n.k.

Sólrisuleikritið Draumur á Jónsmessunótt eftir William Shakespeare var frumsýnt í Edinborgarhúsinu í gærkvöldi. Sýningin tókst mjög vel og var leikurum fagnað vel í lok hennar. Næstu sýningar eru fyrirhugaðar sunnudaginn 1. mars kl. 20:00 og þriðjudaginn 3. mars kl.20:00. Miðapantanir eru í síma 450-5555.

Sólrisuhátíðin hefst á morgun kl. 12:00 með hefðbundinni skrúðgöngu frá Menntaskólanum að Edinborgarhúsinu. Þar verður hátíðin sett og gestum boðið upp á kökur og djús. MÍ-flugan fm 101.00 fer í loftið og kl. 20:00 verður sólrisuleikritið Draumur á Jónsmessu frumsýnt í Edinborgarhúsinu. Allar upplýsingar um dagskár Sólrisuhátíðarinnar er að finna á solrisa.is

Lið MÍ er komið í undanúrslit í MORFÍS, mælsku- og rökræðukeppni framhaldsskólanna eftir sigur á liði FSN í átta liða úrslitum. Sigur heimamanna var sannfærandi, en þeir sigruðu með 1.466 stigum gegn 1.095 stigum gestanna frá Snæfellsnesi og ræðumaður kvöldsins var Gunnar Atli Gunnarsson. Dregið verður á næstu dögum um hverjir mætast í undanúrslitum en þetta er annað árið í röð sem lið MÍ nær þetta langt í keppninni.

Ragney Líf Stefánsdóttir sundkona og nemandi á afreksíþróttabraut skólans, var á dögunum valin íþróttamaður ársins 2008 í Ísafjarðarbæ. Ragney sem er 16 ára hefur æft sund með íþróttafélaginu Ívari í 9 ár og stóð sig sérstaklga vel á síðasta ári. Meðal annars vann Ragney Líf til fernra verðlauna á Malmö open, þar af tvenn gullverðlaun. Einnig vann hún 5 Íslandsmeistaratitla á árinu. Skólinn óskar Ragney Líf innilega til hamingju með titilinn og góðs gengis í framtíðinni.

 

 

Athygli er vakin á breyttum opnunartíma skrifstofu skólans. Skrifstofan er opin frá kl. 08:00-16:00 mánudaga til fimmtudaga en á föstudögum er opið frá kl. 08:00 til kl. 15:00.

MÍ mætir FSN í 8 liða úrslitum MORFÍS, Mælsku- og rökræðukeppni framhaldsskóla á Íslandi, laugardagskvöldið 31. janúar á Ísafirði. Umræðuefni keppninnar er ,,Á að leggja niður internetið". Lið MÍ mælir gegn því en lið FSN er því fylgjandi. Keppnin verður á sal skólans og hefst kl. 21:00.

Gettu betur liði MÍ gekk því miður ekki nógu vel í 2. umferð keppninnar að þessu sinni, eftir frábæran árangur í 1. umferð. Liðið tapaði fyrir ME og hefur því lokið keppni í ár. Keppendum er þakkað kærlega fyrir framlag sitt og þá miklu vinnu sem þeir hafa lagt á sig við undirbúninginn.