Kæru nemendur 

Það er ljóst að næstu mánuði munum við þurfa að lifa með mismiklum  samkomutakmörkunum vegna Covid 19. Því þarf að skipuleggja skólastarf miðað við þá staðreynd og í samræmi við þær takmarkanir sem framhaldsskólum eru settar. 

Í þessu ljósi hefur skólabyrjun verið breytt hjá hluta eldri nemenda sem hefja námið fyrstu tvo dagana í fjarnámi. Nemendur í dreif- og fjarnámi fá sérstakar upplýsingar eftir helgi.

Skólabyrjun verður sem hér segir: 

Þriðjudagurinn 18. ágúst kl. 11:00-13:00 

Sérstök kynning fyrir nýnema á skólastarfinu. Kynningin fer fram í Gryfjunni og í lok hennar verður  nemendum boðið að borða í mötuneyti skólans. 

Miðvikudagurinn 19. ágúst kl. 11:00-13:00  

Nýnemar og aðrir nemendur sem eru að hefja nám við skólann fá kynningu á helstu tölvukerfum sem notuð eru í skólastarfinu, s.s. INNU, Moodle og Office 365. Nemendur sem eiga fartölvur eru hvattir til að mæta með þær en einnig er hægt að fá lánaðar fartölvur á skrifstofu skólans. Athugið að mötuneyti skólans er opið. 

Fimmtudagurinn 20. ágúst 

Kennsla nýnema, starfsbrautar og verknámsnemenda verður skv. stundaskrá í skólahúsnæðinu.  Nánara fyrirkomulag verður kynnt þegar nær dregur. Eldri nemendur í dagskóla hefja námið í fjarnámi. Athugið að mötuneyti skólans er opið. 

Föstudagurinn 21. ágúst  

Kennsla nýnema, starfsbrautar og verknámsnemenda verður skv. stundaskrá í skólahúsnæðinu.  Nánara fyrirkomulag verður kynnt þegar nær dregur. Eldri nemendur í dagskóla hefja námið í fjarnámi. Athugið að mötuneyti skólans er opið. 

Mánudagurinn 24. ágúst 

Kennsla allra dagskólanemenda í í skólahúsnæðinu, nánara fyrirkomulag verður kynnt þegar nær dregur. Mötuneytið opið. 

Sóttvarnir og umgengni: 

Nemendur í bóknámshúsi nota aðaldyr á neðri hæð skólans sem merktar eru inngangur og útgangur. 

Verknámsnemendur ganga inn um aðalinngang verknámshúss. Allir þurfa að spritta sig við inngöngu í skólahúsnæðið og aftur þegar þeir fara inn í skólastofur.

Mikilvægt er að nemendur sem eru með einhver flensulík einkenni komi ekki í skólann og tilkynni það á misa@misa.is og fari að tilmælum sóttvarnarlæknis þ.e. að halda sig heima og skrá sig í sýnatöku. Nemendur í sóttkví eða einangrun þurfa að tilkynna það strax til skólans. 

Vegna mötuneytis:

Mötuneyti skólans verður opið með ákveðnum takmörkunum. Verðskráin er sem hér segir (á ekki við um heimavistarbúa):

Annarkort kr. 68.000, hægt er að skrá sig í annaráskrift hér https://form.jotform.com/202264484981360

10 miða  kort  kr. 9.000, hægt að kaupa hjá ritara á skrifstofu skólans

Stakur miði kr. 1.100, hægt að kaupa hjá ritara á skrifstofu skólans

Að lokum vekjum við athygli á að nú hefur verið opnað fyrir stundatöflu í INNU og þar má einnig finna bókalista.  

Nú hafa alls 48 nýnemar verið innritaðir í Menntaskólann á Ísafirði. Þeir hafa nú fengið send nýnemabréf frá skólanum. Í bréfinu eru upplýsingar um upphaf skólaársins 2020-2021, innritunargjöld o.fl. Sérstök kynning fyrir nýnema verður haldin þriðjudaginn 19. ágúst kl. 11:00.

Kennsla hefst miðvikudaginn 20. ágúst með hraðstundatöflu. Opnað verður fyrir stundatöflur í INNU föstudaginn 14. ágúst og þar er sömuleiðis hægt að finna bókalista.

Nemendur sem innrituðust á afreksíþróttasvið eiga von á tölvupósti þar sem þeir þurfa að skrá sig í sína íþróttagrein.

Við erum full tilhlökkunar að taka á móti nýjum hópi MÍ-inga.

Skrifstofa skólans er lokuð frá og með 22. júní og opnar aftur eftir verslunarmannahelgi, 4. ágúst n.k.

Málum sem ekki þola bið má vísa til Jóns Reynis Sigurvinssonar skólameistara (jon@misa.is,  s. 896 4636) eða Heiðrúnar Tryggvadóttur aðstoðarskólameistara (heidrun@misa.is, s. 849 8815).

Skólastarf á haustönn hefst með starfsdegi starfsfólks mánudaginn 17. ágúst. Nýnemakynning fer fram þriðjudaginn 18. ágúst kl. 11:00 og kennsla hefst miðvikudaginn 19. ágúst kl. 9:00.

Brautskráning Menntaskólans á Ísafirði fór fram 6. júní sl. Dux Scholae er Þuríður Kristín Þorsteinsdóttir sem útskrifast með hæstu meðaleinkunn í sögu skólans eða frá því að fyrstu stúdentarnir útskrifuðust árið 1974.

Þuríður Kristín er stúdent af náttúruvísindabraut með meðaleinkunnina 9,74.

Samhliða námi í menntaskólanum hefur Þuríður Kristín verið í framhaldsnámi í píanóleik, söngnámi, tekið þátt í leiksýningum skólans og verið í Gettu betur liðinu. Hún er auk þess í hestamennsku og eignaðist einmitt folald daginn fyrir brautskráningu. Þuríður Kristín stefnir á nám í dýralækningum í haust. 

Við óskum Þuríði Kristínu innilega til hamingju með glæsilegan árangur. 

Brautskráning vorannar fór fram frá Ísafjarðarkirkju laugardaginn 6. júní kl. 13:00.

Alls útskrifuðust 39 nemendur frá Menntaskólanum á Ísafirði á vorönn 2020. 

Þar sem fjöldatakmarkanir voru enn í gildi var gestafjöldi takmarkaður í athöfninni en streymt var frá athöfninni og má finna upptökuna hér. 

Við óskum útskriftarnemum innilega til hamingju með árangurinn og þökkum góð ár saman í Menntaskólanum á Ísafirði. 

Hér er að finna slóð á skýrslu skólans fyrir skólaárið 2019 - 2020 sem flutt var við útskriftarathöfn Menntaskólans á Ísafirði þann 6. júní 2020. 

Skýrsluna má finna hér. 

Brautskráning vorannar fer fram frá Ísafjarðarkirkju laugardaginn 6. júní kl. 13:00.

Alls útskrifast 39 nemendur af 40 brautum frá Menntaskólanum á Ísafirði vorönn 2020. 

Þar sem fjöldatakmarkanir eru enn í gildi verður gestafjöldi takmarkaður í athöfninni og hafa útskriftarefni fengið upplýsingar og leiðbeiningar varðandi gestafjölda og fyrirkomulag. 

Streymið er hér.

Klóaka hefur komið út síðan 1980 í tengslum við dimission nemenda.

Karolina Anikiej, Karolína Sif Benediktsdóttir og Hildur Karen Jónsdóttir sáu um útgáfu Klóöku í ár.

Til hamingju með útgáfuna.

Á morgun, laugardaginn 6. júní kl. 13, verður útskrift frá Ísafjarðarkirkju.

Athöfninni verður streymt og kemur slóð á streymið hingað á síðuna á morgun.

Brautskráning vorannar fer fram frá Ísafjarðarkirkju laugardaginn 6. júní kl. 13:00.

Alls útskrifast 39 nemendur af 40 brautum frá Menntaskólanum á Ísafirði vorönn 2020. 

Þar sem fjöldatakmarkanir eru enn í gildi verður gestafjöldi takmarkaður í athöfninni og hafa útskriftarefni fengið upplýsingar og leiðbeiningar varðandi gestafjölda og fyrirkomulag. 

Streymt verður frá athöfninni.

Streymið er hér.

Æfing útskriftarefna fyrir útskriftarathöfnina fer fram föstudaginn 5. júní kl. 17:00.  

Sýningin Spólað til baka - játningar, vonbrigði, eyða og minni á tímum Covid-19, opnaði í dag.

Á sýningunni er að finna verk nemenda sem unnin voru í nýjum áfanga í Menntaskólanum á Ísafirði, List og fræði - töfrar hversdagsins, sem Björg Elínar- Sveinbjörnsdóttir kennir. Í áfanganum er skoðað hvernig aðferðir félagsvísindanna geta verið notaðar í listsköpun og sýningagerð.

Nemendur þróuðu hugmyndir að sýningu sem átti að opna á Hversdagssafninu á Ísafirði í Skíðavikunni en vegna skólalokunar fór það á annan veg og nú opnar starfræn sýning hér.

Við óskum nemendum til hamingju með sýninguna.

Hér er slóð á stafrænu sýninguna: Spólað til baka