Nú stendur yfir valtímabil fyrir val á vorönn. Valtímabilið hefst í dag, 25. október og lýkur 31. október. Allir nemendur dagskólanemendur þurfa á þessu tímabili að velja áfanga fyrir vorönn. Allar upplýsingar sem tengjast valinu má finna hér. 

Við vekjum athygli á auglýsingu frá Iðunni um sveinspróf sem eru framundan:

Sveinspróf í eftirtöldum iðngreinum verða haldin í desember, janúar, febrúar og mars ef næg þátttaka næst.

• Í matreiðslu, framreiðslu, bakaraiðn og kjötiðn
  11.- 15. desember. Umsóknarfrestur er til 1. nóvember.
  
  
• Í byggingagreinum í desember – janúar.
  Umsóknarfrestur er til 1. nóvember
  
  
• Í málmiðngreinum í febrúar - mars.
  Umsóknarfrestur til 15. janúar 2018
  
  
• Í snyrtifræði í febrúar.
  Umsóknarfrestur er til 15. janúar 2018
  
  
• Í bifvélavirkjun í febrúar.
  Umsóknarfrestur er til 1. desember.
  
  
• Í hársnyrtiiðn í mars. 
  Umsóknarfrestur til 15. janúar 2018.

Nánari dagsetningar verða birtar á vef IÐUNNAR fræðsluseturs um leið og þær liggja fyrir. Með umsókn skal leggja fram afrit af námssamningi, lífeyrissjóðsyfirlit og burtfararskírteini með einkunnum eða staðfestingu skóla á því að nemi muni útskrifast í desember 2017. Kostnaður próftaka s.s. efniskostnaður er mismunandi eftir iðngreinum.

Föstudaginn 20. október og mánudaginn 22. október er haustfrí í Menntaskólanum á Ísafirði. Skrifstofa skólans er lokuð báða þessa daga.

Hin árlega róðrakeppni MÍ fer fram miðvikudaginn 4. október kl. 10:30. Hægt er að skrá lið til keppni til þriðjudagsins 3. október kl. 16:00 hjá ritara.

Fulltrúi Rannsókna og greiningar verður með kynningu í fyrirlestrarsal Menntaskólans á Ísafirði þriðjudaginn 12. september kl. 17:30. Kynningin nær yfir grunn- og framhaldsskólastig.  Skýrsla R&G tekur á ýmsum þáttum s.s. vímuefnaneyslu, félagslegum þáttum, líðan, mataræði, svefntíma og hreyfingu.

Meira

Hin árlega nýnemaferð var farin í Dýrafjörð dagana 24. - 25. ágúst s.l. Nýnemahópurinn fór í fylgd fjögurra kennara að Núpi í Dýrafirði þar sem var gist. Ekið var út að eyðibýlinu Arnarnesi við utanverðan Dýrafjörð og gengið þaðan að Núpi. Eftir hádegi var farið í Skrúð og notið leiðsagnar og fræðslu um staðinn frá Emil Inga Emilssyn kennara og leiðsögumanni. Um kvöldið héldu nemendur kvöldvöku þar sem farið var í leiki og stjórn NMÍ mætti á svæðið og kynnti félagslíf vetrarins. Einnig var horft á draugamyndina Glámu sem er einmitt tekin upp í gamla héraðsskólanum á Núpi. Eftir morgunmat á föstudegi var farið í ratleik og síðan haldið heim á leið eftir ánægjulega ferð. Hér á síðunni eru nokkrar myndir úr ferðinni en einnig eru fleiri myndir á facebook síðu skólans. 

Fimmtudagur 24. ágúst

• Mæting kl. 8:10
• Keyrt að Núpi
• Nemendur og kennarar koma sér fyrir á herbergjum
• Gönguferð að Arnarnesi
• Hádegisverður kl. 12:30, tiltekt í borðsal og eldhúsverk
• Frjáls tími
• Leiðsögn kl. 14:00 um svæðið í kringum Núp 
• Kaffitími kl. 15:00
• Leikjastund kl. 16:00 – íþróttahús/grasvöllur
• Nemendur undirbúa kvöldvöku kl. 18:00
• Kvöldmatur kl. 19:00
• Kvöldvaka kl. 20:00, fulltrúar NMÍ koma í heimsókn og kynna félagslífið, nemendaskemmtiatriði og magnaðar draugasögur
• Svefntími kl. 23:30

 

Föstudagur 25. ágúst

• Farið á fætur í síðasta lagi kl. 9:00
• Morgunverður kl. 9:00 – 9:45
• Samvinnunám - ratleikur hefst kl. 10:00
• Frágangur kl. 11:30-12:00
• Brottför frá Núpi kl. 12:00 og hópmyndataka

* Dagskráin er birt með fyrirvara um breytingar

 

NAUÐSYNLEG MINNISATRIÐI:

• Skólareglur gilda í ferðinni, athugið að þetta er tölvulaus ferð
• Skólinn greiðir rútuferðir
• Nemendur greiða fyrir gistingu og fæði
• Innifalið í fæði er hádegisverður, miðdegiskaffi, kvöldverður og kvöldkaffi á fimmtudag og morgunmatur á föstudag
• Nemendur taka með sér orkuríkt nesti fyrir gönguferðina á fimmtudeginum
• Kostnaður er 7.500 kr, 2.500 kr. fyrir heimavistarbúa.  Greiða þarf fyrir ferðina fyrir brottför.
• Nemendur eiga að hafa með sér kodda, svefnpoka/sæng og lak 

• Gott að taka með ílát undir ber og vatnsflösku
• Nemendur verða að vera vel klæddir og koma með hlý föt og viðeigandi skófatnað.

 

Eftirtaldir starfsmenn fara með í ferðina:

Emil Ingi Emilsson, s. 659 9070

Guðjón Torfi Sigurðsson, s. 899 7237

Kolbrún Fjóla Arnarsdóttir, s. 845 7242

Stella Hjaltadóttir, s. 846 6206

Nú er nýtt skólaár hafið en skólasetning fór fram á föstudaginn.Kennsla hefst mánudaginn 21. ágúst. Það var Hildur Halldórsdóttir skólameistari sem setti skólann í 48. sinn. Auk hennar flutti Heiðrún Tryggvadóttir aðstoðarskólameistari nokkur orð og hljómsveitin Between Mountains, sem skipuð er nýnemunum Ásrós Helgu Guðmundsdóttur og Kötlu Vigdísi Vernharðsdóttur, flutti eitt lag.

Meira

Menntaskólinn á Ísafirði býður nemendur og starfsmenn velkomna til starfa á haustönn 2017. Upphaf haustannar er með eftirfarandi hætti:

Meira

Menntaskólinn á Ísafirði verður settur föstudaginn 18. ágúst kl. 9:00 á sal skólans.

Dagskrá skólasetningardags er sem hér segir:

08:00-09:00
Nemendur geta nálgast stundatöflur og bókalista hjá ritara.

09:00
Skólasetning á sal skólans.

09:30          
Í framhaldi af skólasetningu verður kennd svokölluð hraðstundatafla þar sem nemendur hitta kennara sína í hverju fagi í 10 mínútur.

11:30
Nýnemakynning í stofu 17 (fyrirlestrarsal) þegar hraðtöflunni lýkur.  

Töflubreytingar fara fram fimmtudaginn 17. ágúst milli kl. 15:00-17:00.Nemendur sækja sér númer hjá ritara. Athugið að   nýnemar þurfa ekki að fara í töflubreytingar.