Eftirtaldir áfangar verða í boði í dreifnámi í Menntaskólanum á Ísafirði haustið 2009; DAN 103, EÐL 103, ENS 303, FÉL 303, 323, ÍSL 403, 633, LÍF 203, NÁT 103, 123, NÆR 103, SAG 103, SÁL 103, 333, SJÚ 103, STÆ 102, 122, 523, UPP 103, VST 127

Umsóknareyðublöð liggja frammi hjá ritara skólans, umsóknarfrestur er til 28. ágúst n.k.

Menntaskólinn á Ísafirði verður settur föstudaginn 21. ágúst kl. 9:00 á sal skólans. Nemendur fá afhentar stundatöflur hjá sínum umsjónarkennara kl. 9:45. Töflubreytingar fyrir þá sem telja sig þess þurfa hefjast klukkan 10:00 hjá áfangastjóra og námsráðgjöfum. Kennsla hefst samkvæmt stundarskrá mánudaginn 24. ágúst 2009.

Skrifstofa skólans er nú opin á ný að loknu sumarleyfi. Skólinn verður settur föstudaginn 21. ágúst kl. 09:00 á sal. Töflubreytingar verða gerðar 21. ágúst að lokinni skólasetningu. Kennsla hefst samkvæmt stundaskrá mánudaginn 24. ágúst.

Umsóknarfrestur um staðnám á komandi haustönn er liðinn. Þeir sem ekki náðu að sækja um en vilja skrá sig í skólann geta þó haft samband við skrifstofu skólans frá 5. ágúst í síma 450-4400 eða sent tölvupóst á áfangastjóra fridgerd@misa.is Umsóknarfrestur í dreifnám og þeir áfangar sem verða í boði verða auglýstir síðar.

Umsóknarfrestur um nám í dagskóla á haustönn 2009 er til miðnættis fimmtudaginn 11. júní. Innritunin fer fram á netinu. Rafrænt umsóknareyðublað ásamt upplýsingum um innritunina er að finna á menntagatt.is/innritun. Þar eru einnig upplýsingar um nám í framhaldsskólum og námsframboð.

Nemendur sem ljúka 10. bekk 2009
Nemendur í 10. bekk grunnskóla hafa fengið afhent bréf í grunnskólunum með leiðbeiningum og veflykli sem opnar þeim aðgang að innrituninni. Forráðamenn þeirra eiga einnig að hafa fengið bréf frá ráðuneytinu með upplýsingum um innritunina. Þessi bréf eru aðgengileg á menntagatt.is/innritun, þar er einnig hægt að fá upplýsingar um hver veflykillinn er og fá hann sendan á umbeðið netfang.

Aðrir umsækjendur um nám í dagskóla
Umsækjendur geta sótt veflykil og fengið nánari upplýsingar á menntagatt.is/innritun og í síma 545-9500. Nemendum sem koma erlendis frá er bent á að setja sig í samband við þá skóla sem þeir hafa áhuga á að sækja um.

ATH. Nemendur skólans sem þegar hafa valið sér áfanga fyrir haustönn eiga ekki að sækja um skólavist í gegnum Menntagátt.

Menntaskólanum á Ísafirði var slitið í 39 sinn við hátíðlega athöfn í Ísafjarðarkirkju laugardaginn 23. maí sl. Útskrifaðir voru 63 nemendur. Átta vélaverðir smáskipa, 4 luku A námi vélstjórnar og 4 luku 2. stigi vélstjórnar og 3 luku B námi vélstjórnar. Einnig var útskrifaður 1 húsasmiður og 1 sjúkraliði, 2 stálsmiðir og 3 nemendur af starfsbraut. Alls brautskráðust 35 stúdentar. Einn meistari í dúklögn og veggfóðrun var brautskráður og einn meistari í bifreiðasmíði. Útskriftarnemarnir Margrét Theódórsdóttir, Fjóla Aðalsteinsdóttir, Halldór Smárason og Smári Alfreðsson léku á hljóðfæri, fulltrúar afmælisárganga fluttu ávörp og verðlaun voru veitt fyrir góðan námsárangur. Hæstu einkunn á stúdentsprófi hlaut Halldór Smárason stúdent af náttúrufræðbraut. Hann hlaut 1. ágætiseinkunn 8.82.

 

Útskriftarnemar kvöddu kennara og starfsfólk skólans með veglegu kaffisamsæti við lok kennslu í vor. Löng hefð er fyrir þessari kveðjustund og er hlaðborðið alltaf jafnglæsilegt og nemendur og starfsfólk gerðu kræsingunum góð skil. Fleiri myndir eru á myndasíðunni.

Umsókn um skólavist í Menntaskólanum á Ísafirði haustið 2009 fer fram í gegnum www.menntagatt.is Umsóknarfrestur er til 11. júní 2009.

Nú eru próf vorannar hafin en þau standa til 15. maí. Sjúkra- og endurtektarpróf eru 18. og 19. maí. Próftaflan er aðgengileg hér á heimasíðunni og einstaklingspróftöflur er að finna í INNU. Nemendur eru minntir á að mæta stundvíslega í próf og hafa aðeins með sér leyfð hjálpargögn. Með ósk um gott gengi í prófunum.

Prófstjóri

Þeir félagar Daði Már Guðmundarson og Halldór Smárason lentu í 2. sæti í Söngkeppni framhaldsskólanna. Flutningur þeirra á laginu Kósýkvöld tókst mjög vel og féll auðsjáanlega í kramið hjá dómnefnd og áheyrendum. Ásamt þeim Daða og Halldóri tóku Smári Alfreðsson og Baldur Sigurlaugsson þátt í flutningnum en þeir léku á blásturshljóðfæri. Þeim er öllum óskað til hamingju með þennan frábæra árangur sem er sá besti sem keppendur frá MÍ hafa náð en framlag skólans lenti í 3. sæti árið 2002. Til gamans má geta þess að hljómborðs- leikari hljómsveitarinnar Bermuda sem sá um undirleik á keppninni er Ingvar Alfreðsson eldri bróðir Smára og fyrrum nemandi skólans.